Benito Jacovitti

Quest articol chi a l'è in grafia del Ducat Semplifegada

La grafia doperada a l'è no acetada in su la Wikipedia. Met l'articol in Grafia del Ducat o in d'un oltra grafia.

Quella vos chi la gh'ha minga di font o inn trop poche. Per pieser, sgionta di font a la vos.
Per havégh un'ideja di altre vos senza font, vardee chichinscì.

Benito Franco Giuseppe Jacovitti, nasìt a Termoli ol 9 de màrs del 1923, mórt a Róma ol 3 de dicémber del 1997 l'è stàc ü di piö grancc disegnadùr de fümècc del XX sécol, col suernòm de Jac.

Biugrafia artistica

L'à tacàt a disegnà fömècc in del 1940 söl giurnàl "Il vittorioso", l'è pò pasàt dal 1957 al setimanàl "Il Giorno dei ragazzi" e per chèla testada ché l'à creàt ol sò persunàs piö famùs che l'è ol Cocco Bill, ü càù bòi del far uèst.

L'à lauràt pò per ol Corrierino dei piccoli e per Linus.

In da sò éta, oltre al Cocco Bill, l'à creàt pròpe tace persunàs: ol polisiòt Cip e ol sò nemìs, ol bandìt Zagar, Caramba, Mandrago, Cin Cin, Microciccio Spaccavento, ol detective Tom Ficcanaso, Zorrykid che 'l tö 'n gir ol Zòro e tace óter amò.

I sò disègn i è 'nconfondìbei: gh'è sèmper öna quach salàm co i gambe che i camina, öna quach pès fò de l'aqua, di ósèi o di érem col capèl che i gira e impienés ògne disègn.

In del Zorrykid gh'è di persunàs che i parla pò 'n milanés e 'n vèneto.