Campanula elatinoides
|
|
Chest artícol a l'è scricc in Lumbàrt, ortograféa orientàl unificàda. |
Campanula elatinoides l'è 'na piànta de dimensiù picinìne de la famìa de le Campanulaceae. L'è 'na spéce ràra, endémica de le preàlpi lombàrde, se la tróa 'ntra i 200 e i 2000 méter s.l.m., sö préde calcàree ömede e a l'ómbra, de la Val Sàbia (pruvìncia de Brèsa) 'nfìna al Mut Rezegù. 'N italià l'è ciamàda Campanula dell'Insubria.
| Campanula elatinoides | ||||||||||||||
|---|---|---|---|---|---|---|---|---|---|---|---|---|---|---|
 Campanula elatinoides
| ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Campanula elatinoides Moretti |
Descrisiù
ModifegaFùrma Biològica: H scap - Emicriptòfite scapùze. L'è 'na pianta erbàcea perène de aspèt quàze cutunùs. La rìa de sòlet a 10÷20 ghèi de altèsa en cundisiù particolàr apò a 'nfìna 60 ghèi..
Le fòie i è erète-patencc e cuarciàde de 'na pelüria biànca, chèle radicài le g'ha 'n picanèl cürt, i è subcordàde co la làmina ovada o a fùrma de cör e l'òrlo a décc gròs. Le bràtee e le brateöle i è erète patèncc-ripegàde le prìme co l'òrlo a ónde, le segónde piö strète a la bàze.
I fiùr i è reünìcc en enfiurescènse spèse portàde söndèn gambì bèl gròs. I fiùr i g'ha dei picanèi pelùs e cilìndrich piö cürcc del càles. I fiorés de bril a noèmber ma 'n cundisiù particolar pò a dré a l'envéren
Hàbitat
ModifegaPréde calcaree, ömede e a l'ómbra, en ambièncc scür compàgn de cuèi e caèrne póch profónde.