Campanula raineri
|
|
Chest artícol a l'è scricc in Lumbàrt, ortograféa orientàl unificàda. |
Campanula raineri l'è 'na piànta de dimensiù picinìne de la famìa de le Campanulaceae. L'è 'na spéce ràra, endémica de le preàlpi insübriche orientài, de la spónda orientàl del Lach de Cóm (Sasso Rancio sùra Menaggio) enfìna ai mucc entùren al Lach de Garda.
| Campanula raineri | ||||||||||||||
|---|---|---|---|---|---|---|---|---|---|---|---|---|---|---|
-2.JPG) Campanula raineri
| ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Campanula raineri Perp. |
Descrisiù
ModifegaFùrma Biològica: H scap - Emicriptòfite scapùze. L'è 'na pianta erbàcea perenànt, pesèna e cespitùza. Le raìs i è a rizòma e lignùze, i gambì i è prostracc-ascendèncc. La pöl rià a 5÷10 ghèi de altèsa. Le fòie i è 'ntréghe, chèle bazài e 'nfìna a mès gambì i è bislonghe-spatolàde col picanèl cürt, chèle de la par àlta del gambì i è elìtiche o lanceolàde e crenàte e capetàde 'ndèla part apicàla. I fiur i vé vò apéna 'nsìma al gambì (mìa piö de giü per ògna gambì), i g'ha quàze mìa de picanèl (quàze sèsii). L'è de culùr celèst o lìla ciàr. El càles l'è dividìt en 5 lacìnie co l'òrlo capetàt, la coròla l'è 'na campanèla làrga (3÷4 x 3 cm), quàze a fùrma de scödèla, co lòbi cürcc ovacc-triangolar, piö làrch che lónch. I fiurés 'ntra löi e óst. El fröt l'è 'na càpsula 3-locular deiscenta per i pòr apicài.
Hàbitat
ModifegaLa crès sö i pridù e 'ndèle crèpe de le préde calcàree, 'ntra i 300 e i 2450 méter s.l.m. de sòlet però de sùra dei 1.500.
Conservasiù
ModifegaL'è prutigìda 'ndèle pruvìncie de Brèsa e Cóm perchè de spès la vé tiràda sö co la raìs, per sercà de fàla tacà 'ndèi giardì, operasiù difìcil perchè la tàca mìa tat facilmènt.
Nòm
ModifegaEl nòm speciìfech raineri el vé del fat che l'ìa stàda dedicàda de la stüdiùza che la l'ha discriìda per prìma, la Candida Léna-Perpènti a l'Arcidùca Raineri d'Asbùrgo.