Carlo Allioni
|
|
Chest artícol a l'è scricc in Lumbàrt, ortograféa orientàl unificàda. |
Carlo Allioni (Türì, 23 de setèmber del 1728 - Türì, 30 de löi del 1804) l'è stat en dutùr, natüralìsta e botànich italià.
Biografìa
ModifegaEl g'ha 'nsegnàt Botànica a l'Üniversità de Türì e l'è stat el diretùr del Giardì Botànich de Türì.
Endèl 1766 el g'ha püblicàt el Manipulus Insectorum Tauriniensium.
L'òpera principàl de Carlo Allioni l'è stàda la Flora Pedemontana, sive enumeratio methodica stirpium indigenarum Pedemontii, del 1789, en catàlogo de le piànte del Piemónt, endóche 'l g'ha discriìt 2813 spéci de piànte, de piö de duzènt de chèste i éra mài stàde discriìde prìma. L'òpera l'ìa completàda co 'n série de tàole dizegnàde en biànch e négher e le prezentàa, 'n antìcipo söi tép, la nomencladüra scentìfica del Linèo.
Unùr
ModifegaEn sò unùr gh'è stat atribüìt el nòm del zèner Allionia (de la famìa de le Nyctaginaceae)).
e 'n piö gh'è stat dat el nòm specìfich a le spéci ché sóta:
- Arabis allionii DC.
- Jovibarba allioni (Jord. & Fourr.) D.A.Webb
- Primula allioni Loisel.
- Veronica allionii Vill.
Òpere
Modifega- Rariorum Piemontii Stirpium Specimen primum Türì (1755)
- Manipulus Insectorum Tauriniensium Türì (1766)
- Auctarium ad Floram Pedemontanam Türì (1785)
- Flora Pedemontana, sive enumeratio methodica stirpium indigenarum Pedemontii Türì (1789)