Carpenédol

Chest artícol a l'è scricc in Bresà, ortograféa Modèrna

Carpenédol
Stàto	Itàlia
Regiù	Lumbardía
Pruvincia	Brèsa
Cuurdinàde	10°25′56″ E 45°21′55″ N Vedè sü la mapa
Abitàncc	13 012 ab.
Superfìce	30,1 km²
Densità	432 ab/km²
Altèsa	78 m s.l.m.
Frasiù	Cornài, Geröle, Làme, Lamèta, Leèi, Raére, Sànta Polònia, Tàe, Tèse e Ùe Biànche
Cümü tacàcc	Aquafrèda, Calvizà, Castèl (MN), Castiù (MN) e Munticiàr
CAP	IT-13
Còdes ISTAT	017039
Prefìs tel.	030
Sit uficiàl del cümü

Carpenédol (en Italià: Carpenedolo), l'è 'n cümü de 13 012 abitàncc (dàto del Dicember 2015) de la Pruvìncia de Brèsa sitüàt endèla Bàsa Bresàna orientàla a 26 km a sudèst de la cità de Brèsa, söla spónda mansìna del Cés. L'è 'l paés piö orientàl de la Bàsa Bresàna e 'l cunfìna con la Pruvìncia de Màntoa.

Na segür e dò spàde de bróns ensèma 'n quac rèst de ceràmiche le testemògna de la prezènsa de l'òm endèl teretóre de Carpenédol zamò 'ndel'età del Bróns. Póc se sà 'nvéce de la prezènsa dei Gài Cenòmani en chèsta zòna. Se pènsa che i romàni i gh'ìes stabilìt en castrum per difènder el teretore de le invaziù de le popolasiù bàrbare. Gh'è stat ritroàt dèle làpidi comemoratìve e vutìve con dèle iscrisiù 'nsìma, datàde entùren al sècol II prìma de Crìsto.

Endèl alt mèdioevo el cèntro abitàt l'ìa 'na piéf endèla zòna 'ndoche adès gh'è la frasiù de Tèse. La custrusiù uriginària l'è del sècol V-VI dòpo de Crìsto.

Le prìme nutìsie del paés söi docümèncc i è del sècol XI e de alùra a ègner a adès el paés el g'ha ìt le stèse vicènde che g'ha pasàt apò a Brèsa a la qual l'è stàt sèmper ligàt.

Evulusiù demogràfica

Abitàncc censìcc