Coreja de trasmission

Quell articol qì l'è scrivud in Lombard, cond l'ortografia Scriver Lombard.

La coreja o corenja de trasmission (ciamada anc zenton) l'è un component mecaneg dovrad per conligar in manera lijerment elastega, ma l'istess solidala, do arbor, col dovrar dei poleje.

Coreja trapezoidala

De solet i è componide de anei serrads, con o senza junzion, de cœram, tessud e fil de nylon gomads. Per i coreje plu performante i è inserids dei renforz per meiorar la rijideza lonjitudinala, per esempe dei corde de açal, fibra de veder, kevlar, etc.

Per i aplicazion indove l'è necessare una modesta potenza e la stabilitaa de la trasmission l'è miga ol lavor plu important (çoè se la coreja la g'ha una valenza cinematega e miga dinamega), come per esempe i mecanism de vertura dei letor oteg dei CD e DVD, s'pœl dovrar dei semplix anei de goma e guarnizion toroidal o-ring.

Tipolojie de coreje

• 
  Coreja piata
• 
  Coreja trapezoidala
• 
  Coreja poli-V
• 
  Coreja dentada o sincrona

Rijideza

La rijideza assiala de un jenerig toc (de lungeza $L$ e sezion $A$) d'una coreja l'è calcolada comè:

$R_{a}={\dfrac {F}{\Delta L}}={\dfrac {E\cdot A}{L}}={\dfrac {K_{sp}}{L}}$

con $E$ modul de Joung (qe al ven dei materiai cond i quai l'è faita) e $K_{sp}$ rijideza specifega de la coreja, d'ordinare daita del produtor.

Riferiments

• (IT) Cinghia ind la Treccani

Olter projets

• Media in relazion a Coreje de trasmission in su Wikimedia Commons