Cucurbita pepo
|
|
Chest artícol a l'è scricc in Lumbàrt, ortograféa orientàl unificàda. |
El söchèl o la söchèla (Cucurbita pepo L.) l'è öna spéce de la faméa botànica dele Cucurbitaceae, i quai fröcc i vé dopràcc zèrp.
| Cucurbita pepo | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| or.: söchèl | ||||||||||||||||||||||
 | ||||||||||||||||||||||
| Classifigazion sientífiga | ||||||||||||||||||||||
| ||||||||||||||||||||||
| Nomm binomial | ||||||||||||||||||||||
| Cucurbita pepo L., 1753[1] |
Caraterìsteghe
ModifegaL'è öna pianta anöala col gamp erbadegh flesibol. La pianta la fà sö dei fiùr monosesuàcc. I fiur mascc i è stérii, ma nesesàre per l'empolinassiù dei fiùr fèmina, che i narà a furmà 'l fröt. L'empolinassiù la sa cumbina grasie a i 'nsècc o al vènt (ésta la vicinansa dei fiur mascc e fèmina 'ndela stèsa pianta). El fiur de söca, o fiur de söchèl, de culùr zalt-aranciù, l'è 'n grant doprat en cüzina, tat crüt quàt còt.
Cultivassiù
ModifegaLa pianta dei söchèi la cres bé end'ön clima mitigàt e an puzisiù al sul e con tata argia. L'è 'na pianta che la fa rotasiù trienala, e se pöl cultiàla ensèma co le sìgole, coi fazöi rampegancc e la 'nsalada El teré 'l g'ha da vès laurat bé bé, profunt e drenàt perchè la patés i restagn de aiva, e pié de sustanse urganeghe. Per votègner fröcc de qualità se g'ha bezógn de mèter quater o sich quintai de lödam madür per sènto méter quadracc. El lödam el g'ha de vès sotràt a profondità de pö o meno quaranta ghèi. Sö teré bèi lauràcc, semai che le piante i è distante asé (densità de méno de 1,4 piante per méter quadrat) al rendimènt el pöl rià a 40-45 fröcc per pianta. Bòa catà sö i fröcc da vot a dés setemane de la sùrna, amò zèrp, perchè quan che 'l fröt l'è madür del töt el g'ha déter en mòcc de somésa che 'l la rènt mia pö bù de maià.