Custùr
|
|
Chest artícol a l'è scricc in Lumbàrt, ortograféa orientàl unificàda. |
Custùr (prunuciàt [kuhˈtur] endèl dialèt del pòst, en Italià: Costorio) l'è 'na frasiù del cümü de Consés, sitüada a Nord del paés, söla sinìstra orogràfica de la Mèla, a 9 km de la cità de Brèsa, a 'na altitùdine de 215 méter söl lièl del mar.
.JPG)
La frasiù de Custùr la töl dét apò a i du abitàcc de Cozolàda (en Italià Codolazza) e Valpiàna. Cozolàda la sègna 'l cunfì con Carsìna e 'na part de chèsta località la rèsta sóta 'l cümü de Vìla Carsìna.
Custùr, Cozolàda e Valpiàna töte 'nsèma le fa piö o méno 2000 abitàncc e a cumincià del 1952 le fa paròchia de per sò cönt. El patròno de Custùr l'è Santa Giùlia, a la quàla i è dedicàde tat la céza del paés come la cizulìna ècia. Chest'öltema l'è 'na custrusiù de dimensiù bastànsa modèste che fórse risàl entùren a l'an Mìla, ma che l'è stàda consacràda come céza apéna 'ndèl 1500. Endèl sècol XX l'è stàda dopràda per tacc agn come oratóre per i scecc e che 'nvéce del 2013 l'è turnàda a éser dopràda per le mèse dré a la setemàna.
La dèdica de la Paròchia a Santa Giulia l'è quaze de sigür duzìda a dele proprietà che 'l gh'éra l'omònimo potènte convènt de Brèsa 'ndèl teretóre de Custùr.
A sud de l'abitàt, 'ntrà la còsta de mùt e la stràda pruvinciàl BS 345 (ciamàda de le Trè Ai) gh'è i rèscc amò bastànsa bé conservàcc de 'n tòch de l'acquedót romàno che portàa l'aiva de Lemezàne a Brèsa, cuminciàt ai tép de l'imperadùr Cesare Augusto e finìt ai tép de l'imperadùr Tiberio.
Colegamèncc estèrni Modifega