Daphne petraea
|
|
Chest artícol a l'è scricc in Lumbàrt, ortograféa orientàl unificàda. |
La Daphne petraea Leybold, 1853 la 'na piànta de dimensiù pesène de portamènt a boscài prostràt, che fà part de la famìa botànica de le Thymelaeaceae.
| Daphne petraea | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
| Classifigazion sientífiga | ||||||||||||||||||
| ||||||||||||||||||
| Nomm binomial | ||||||||||||||||||
| Daphne petraea Leybold, 1853 |
Descrisiù
ModifegaBoscaì de dimensiù pesène pesène a portamènt prostràt che 'l vé a furmà dei cusinècc a fùrma de mèza bàla (emisférich), coi gambì cürcc, lignùr e nudùs. La scórsa del lègn la tìra al maròn acür e l'è töta segnàda de cicatrìci trasversài. Le fèie le se fùrma 'nsèma ai fiùr, i è scorzégne, lónghe 3÷5 mm, le g'ha fùrma linear-spatolàda, carenàda, scanalàda, condèna nervadüra ünica, la pónta srotondàda e l'òrlo spès.
La 'nfiurescènsa l'è furmàda de 4÷6 fiùr tetràmer de culùr ròza-pórpora, reünìcc en masöi apicài; a la bàze de ògna 'nfiurescènsa gh'è de le bràtee co la pónta a àngol strèt e de culùr zalt-smórt. El pereànse l'è sènsa pétali e furmàt apéna del càles. La funsiù de reciàm (vesilìfera) l'è fàda dei sépali che g'ha fùrma e culùr compàgn che se i fös pétali. El tübo del càles l'è cilindrich, peluzèt e apéna apéna campanulàt, el fenés con 4 lacìnie a fùrma de öf. I 8 stam colocàcc dét endèl tübo del càles, i è lìber, dividìcc en 2 vertezèi. L'ovàre l'è sùpero e uniloculàr.
I fröcc i è de le drùpe glubùze, apéna apéna cuarciàde de pelüria, de culùr rós. La fiuridüra l'è 'ntrà màgio e zögn
Distribusiù e habitat
ModifegaLa crès 'ndèle crèpe de le córne calcàree a pH alcalì e a strapiómp ma pò a sö le moréne e 'n mès a le préde, 'ntra 700 e 2.000 méter s.l.m. Se la tróa apéna söi mucc de le pruvìnce de Brèsa e Trènt en areài ristrècc.
Note
ModifegaL'è 'na spéce ràra sóta protesiù totàl.