Dražen Petrović
|
|
Chest artícol a l'è scricc in Lumbàrt, ortograféa orientàl unificàda. |
Dražen Petrović (prununciàt [drǎʒɛn pɛ̌trɔʋit͡ɕ]; 22 de utùer del 1964 – 7 de zögn del 1993) l'è stat en zögadùr de palacanèstro croàto. El zögàa de guàrdia, e 'l g'ha cuminciàt a zögà come profesiunìsta en Europa endei agn 1980 prìma de nà a zögà endela National Basketball Association (NBA) endel 1989.
Petrović el g'ha insìt dò medàie d'arzènt e giöna de bróns a le Olimpìadi, 'na medàia dóra e giöna de bróns a la Cópa del Mónt, , 'na medàia dóra e giöna de bróns ai Campiunàcc Europèi. El g'ha reprezentàt la Jugoslàvia e piö tàrde la Croàsia. Endel 1985, el g'ha risiìt el Golden Badge award come piö brào atléta de la Jugoslàvia.[1]
Dòpo i sò söcès en Europa col Cibona de Zagabria (del 1984 al 1988) e col Real Madrid (1988 e 1989), Petrović l'è stat ciamàt a zügà endel' NBA endel 1989 endela squàdra dei Portland Trail Blazers. Dòpo ìga fat en pó de panchìna 'l prim an, Petrović el g'ha migliuràt le sò prestasiù dòpo éser nat a zögà coi New Jersey Nets e l'è deentàt giöna de le guàrdie piö fòrti de töt el campiunàt e l'è stat ciapàt en cunsiderasiù per éser numinàt la guàrdia piö bràa de töcc i tép. A l'età de 28 agn, amò zùen e 'ndel pié de la sò cariéra Petrovic l'è mórt enden incidènt stradàl en Germania[2]