Lombard Oriental Chest artícol a l'è scricc in Lumbàrt, ortograféa bresàna moderna.


Emma Marcegaglia (Màntoa, 24 de dezèmber del 1965) l'è 'na 'ndüstriàla itàliana, prìma fónna a ìga l'encàrech de presidènt de la Confindustria.

La Emma Marcegaglia ensèma al presidènt Giorgio Napolitano

Fiöla de Palmira Bazzani e Steno Marcegaglia, fondadùr de la aziènda Marcegaglia S.p.A., atìva endèla laorasiù de l'aciàio, la g'ha spuzàt Roberto Vancini 'ndèl 2001, ingeniér informàtich, e 'ndèl 2003 la g'ha ìt 'na fiöla, Gaia.

Stüde Modifega

Laureàda có la lòde 'n Ecunumìa Aziendàl a l'Università Comerciàl Luigi Bocconi 'ndèl 1989. Endèi agn de l'università l'è stàda òt més en Amèrica, endóche la g'ha frequentàt el segónt an del "Master in Business Administration" a la New York University.