Equus ferus caballus

Chest artícol a l'è scricc in Lumbàrt, ortograféa orientàl unificàda.

El caàl (nòm scentìfich: Equus ferus caballus o Equus caballus) l'è 'n mamìfer erbìvor ungulàt de tàia gròsa che l'aparté a giöna de le sèt spéci de la famìa dei Equidae.

Equus ferus caballus
occ.: Cavall or.: Caàl
Classifigazion sientífiga
Regn: Animalia Phylum: Chordata Clas: Mammalia Ùrden: Perissodactyla Famìa: Equidae Zèner: Equus Spéce: E. ferus Sota-spéce: E. f. caballus
Nomm trinomial
Equus ferus caballus Linnaeus, 1758
Sinonim
Equus caballus

En Caàl di Ardénn

Prim pian d'un Caàl

La sò evulusiù l'è cuminciàda a pàrter de 45 ÷ 55 miliù de agn fà , de 'n mamìfer piötòst pesenèt che gh'ìa divèrsi dicc per deentà ai nòst tép 'n 'na bès•cia de dimensiù piö grànde e a sòcol ünech.

El caàl l'è stat demestegàt de l'Homo sapiens a pàrter de presapóch 4.000 o 5.000 agn fà e 'l se sarès difundìt bastànsa a la svèlta 'n töta l'Eurasia. Aisebé che quàze töcc i caài al dé d'encö i sàpe oramài demèstech, el caàl de Przewalski l'è cunsideràt l'öltem caàl salvàdech e mài demestegàt amò ezistènt, e de l'ótra bànda però 'n divèrsi pòscc del mónt gh'è apò a nömerùs caài demèstech che gh'è turnàt al stat salvàdech.