Fèsta da Santa Lüséa (Crèma)
La fèsta da santa Lüséa (an italià: Festa di Santa Lucia) l'è 'na fèsta che la sa tègn a Crèma, an di dé pröma dal 13 da dicémbre.
Cuma l'è nasìda Modifega
Gh'è mìa di docümént che i permét da saì cuma l'è nasìda la fèsta, ma pól dàs che la derìa a quanta Crèma l'è dientàda 'na pruìncia da la Repöblica da Venesia; an fàti própe a Venésia, ndà la céźa da San Gerémia sa tróa al còrp da la santa.
I biźantì da Giorg Maniace i la purtàa da Siracüsa a Costantinòpel an dal 1040 e l'è stacc trafügàt da i 'enesià an dal 1204[1].
La venerasiù cumè la santa che la pòrta i regài la sa riferés, forse, a la so stória da dóna caritatùźa.
Gh'è 'n gìr 'n ótra stòria che la pàrla da 'na malatéa cuntagiùźa che la ciapàà i occ di bagài: alùra le màme l'è g'a cuminciàt a pregà la santa per cunservà la ésta a i sò fiói. Quand i è guaricc le màme le g'a cuminciàt a ringrasiàla e da ché la sarès nasìda la tradisiù[2].
Gh'è argü però che al dìs che la fèsta la sìes nasìda an dal 1400 quand an da la campàgna bresàna gh'è 'ignìt 'na carestìa, alùra i cremunìs i g'a facc 'na racòlta da sach da grà e i a purtàt dàanti a le cà di puarècc che i gh'ia mìa da mangià. Quand la źent la sa desedàda e la g'a truàt i sach, i g'a pensàt an d'an miracól e dato che l'éra al trédes da dicémbre, al miràcol da santa Lüsèa[3].
La fèsta a Crèma Modifega
Da sòlet i bagaì i scrif 'na leterìna con sö o regài che i vól. An töcc i paìs i genitùr i tàca vià ai pugiói, a le finéstre o a le pòrte i masulì da fé; i servarès per sfamà al sumarèl che la santa la druarès per 'nda 'n gìr per purtà i regài,
An dal dé dal dùdes da dicémbre an piàsa dal Dóm a Crèma gh'è źo le bancarèle per tó i giucatui e caramèle.
-
Piàsa dal Dòm con le bancarèle -
Le bancarèle dàanti al vescuàd
I prüèrbe Modifega
- Nìgol o seré e Santa Lüséa la vé
- Santa Lüséa la ta cunsèrve la ésta
Riferimencc Modifega
- ↑ Santa Lucia). URL consultad in data 22 novembre 2020.
- ↑ Pietro Savoia, I proverbi dei cremaschi, 1982.
- ↑ La tradizione di Santa Lucia è nata nel cremonese?. URL consultad in data 22 novembre 2020).