Frithia

Chest artícol a l'è scricc in Lumbàrt, ortograféa orientàl unificàda.

Frithia l'è 'n zèner de piànte suculènte de dimensiù pesène che fà part de la famìa de le Aizoaceae. I è endémiche del Sudafrica. El zèner Frithia l'è 'mparentàt strèt col zèner Lithops e col zèner Fenestraria.

Frithia
F. pulchra
Classifigazion sientífiga
Regn: Plantae Division: Magnoliophyta Clas: Magnoliopsida Ùrden: Caryophyllales Famìa: Aizoaceae Sota-famìa: Ruschioideae Stìrpa: Ruschieae Zèner: Frithia N.E.Br. 1925

La crès en pòscc picàcc al sul e la fùrma dele rözète de fòie carnùze che rèsta quàze del töt sotràde de la sàbia e de la girulìna, rèsta fò apéna la pùta de le fòie. La fiorés en istàt e la fà sö dei bèi fiurilì de culùr ròza e biànch en mès.

El zèner Frithia el töl dét apéna dò spéci acetàde:

• Frithia humilis Burgoyne
• Frithia pulchra N.E.Br.

Bibliografìa

• Gideon Smith u.a.: Mesembs of the World: Illustrated Guide to a Remarkable Succulent Group. Briza Publications 1998, S. 102-103. ISBN 1-875093-13-3
• Heidrun E. K. Hartmann: Illustrated Handbook of Succulent Plants: Aizoaceae F-Z, Springer Verlag, Berlin/Heidelberg/New York 2001, S. 27, ISBN 3-540-41723-0

Colegamèncc estèrni

• http://biopl-a-181.plantbio.cornell.edu/
• Frithia pulchra INFOJARDIN

Wikimedia Commons

al gh'a dent roba culegada a:

Frithia