Giùf Gardéna

Chest artícol a l'è scricc in Lumbàrt, ortograféa orientàl unificàda.

Ol giùf Gardéna ciamàt Ju de Frara in ladì badiòt, Jëuf de Frea in ladì gardenés e Grödner Joch in todèsch l’è ü giùf che ‘l se tróa in di Dolomìcc in pruìnsa de Bulsà a 2.121 méter söl mar. Ol giùf ‘l se tróa tra la Al Gardéna e la Al Badìa e ‘l sepàra ol Sèla a mesdé e ‘l Cir a mut.

Ol giùf Gardéna ést da la Al Badìa, a mansìna del giùf se èt ol Sèla e a la drécia gh’è ‘l Cir, in prim pià ol Col Alt

La cezìna de giùf Gardéna e de dré ol Saslónch

Ol giùf Gardéna, insèma a i giùf Sèla, Pordòi e al Campolongo l’è ü di quàter giuf che i se tróa töt intùren al Sèla e che i è ligàcc tra de lùr da di impiàcc de sci e töcc insèma i è cosgnusìcc col nòm de Sellaronda o Gir di Quàter Giùf in del comprensòre del Dolomiti Superski.

Da Sèlva de Al Gardéna se rià sö al giùf co l’ovovìa Dantercepies e dal giùf s’tùrna zó ‘n paìs co la pista che la gh’à l’istès nòm, menimà da la Al Badìa gh’è de ciapà da Colfosc l’ovovìa Plans-Frara e pò la segiovìa del Cir. Sö al giùf Gardéna s’tróa trì rifùgi, i ‘mpiancc per scià, l’hotel Cir, ü tabachì e öna cezìna.