Guido Podestà

Lombard Oriental Chest artícol a l'è scricc in Lumbàrt, ortograféa bresàna moderna.


Guido Podestà (Milà, 1º de bril del 1947) l'è 'n òm pulìtich italià, Presidènt de la Pruvìncia de Milà dal 2009 al 2014.

Laureàt en architetüra, l'è stat el vicepresidènt del Parlamènt europèo (del 1997 al 2004) e responsàbil per le relasiù col Parlamènt europèo e i Parlamèncc nasiunài dei 15 Stacc mèmber. Del 2002 l'è mèmber del cumitàt de presidènsa de Fórsa Itàlia. L'è stat iligìt eurodeputàt endèl 1994 e 'ndèl 1999, e l'è stat riconfermàt apò 'ndèl 2004 per la lìsta de Fórsa Itàlia endèla circuscrisiù nord-ovest, co 55 mìla preferénse. L'è iscriìt al grùpo parlamentàr del Partìt Popolàr Europèo.

L'è presidènt de la delegasiù a la cumisiù parlamentàr mìsta UE-Romanìa; mèmber de la Conferènsa dei presidèncc de delegasiù, de la Cumisiù per el mercàt intèrno e la protesiù dei cönsömadùr, de la Cumisiù per l'agricültüra el svilùpo rüràl; de la Cumisiù per l'ambiènte, la sanità püblica e la sügürèsa alimentàr.

Endèl 2008 el deènta Cuurdinadùr Regionàl de Fórsa Itàlia.

Endèl 2009 el vé iligìt presidènt de la Pruvìncia de Milà, per póch vóti 'l g'ha batìt al balotàgio el presidènt uscènte Filippo Penati.

Colegamèncc estèrniModifega