Ho visto un re
|
Chèst artìcol a l'è scricc in Lombàrd, ortograféa bergamasca del Dücàt. |
Ho visto un re l’è öna cansù del 1968 cantada dal Enso Janaci, che l’è stacia püblicada come 45 gir e ‘l B side l’è Bobo Merenda, ma l’è dét po’ ‘n del album Vengo anch'io. No, tu no.
La cansù l’è stacia scricia dal Dario Fo e la müşéga l’è del Omicron e gh’è öna versiù cantada ‘nsèma al Cochi e Renato che i canta ‘l ritornèl.
L'è quase töta scricia 'n Italià, ma 'l riornèl de spès l' gh'à dét di tòch 'n milanés.
L’è stacia öna di cansù piö cantade in del 1968, desà che, ach se la sömèa dóma öna cansunèta ‘mpó stüpidèla, l’è ‘n realtà öna satira che la şgrafa bé ‘l potér e i potèncc.
Ol Janaci nel 1969 l' völia portà chèla cansù ché a Canzonissima, ma la Rai ghe l'à mia lasàt fà e l'à döşìt cantà Gli zingari. Gh'è però restàt pròpe mal e sömèa che l' sìes pròpe per chèsto che l'è 'ndacc 'n Süd Áfrega e 'n di Stacc Ünìcc a stödia de cardiochirurgo e l'è stai vià per 4 agn.