Terz Reich

Quell articol qì l'è scrivud in Lombard, cond l'ortografia Scriver Lombard.

Ol Terz Reich (todesc: Drittes Reich) l'è 'l nom de la Jermania sota 'l govern nazionalsoçalist, guidad del ditator Adolf Hitler.
Terz, perqè la Jermania nazista l'era considerada 'l sucessor del medieval Sacro Roman Impero (962-1806), fondad del Oton I, e del modern Impero Todesc (1871-1918), fondad del Gilielm I de Jermania.

Terz Reich
(detai) (detai)
Mot: Ein Volk, ein Reich, ein Führer (Vun popol, vun Reich, vun Führer)
Terz Reich - Localizazion
Daits aministrativ
Nom complet	Reich todesc Dal 1943 Reich de la Granda Jermania
Nom ufiçal	Deutsches Reich Dal 1943 Großdeutsches Reich
Lengue parlade	Todesc
Capitala	Berlin  (4 338 756 ab.)
Politega
Forma de Stat	Stat totalitari
Forma de govern	Republega semipresidenziala (de iure) Ditatura nazionalsoçalista (de facto)
Führer	Adolf Hitler (1933-1945)
Cancellier del Reich	Adolf Hitler (1933-1945) Joseph Goebbels (1945) Lutz Graf Schwerin von Krosigk (1945)
Orgen deliberativ	Reichstag
Nassida	30 de jenar 1933 con Adolf Hitler
Causa	Nomina de Hitler a cancellier del Reich
Fin	8 de maj 1945 con Karl Dönitz
Causa	Resa incondizionada del Reich
Territore e popolazion
Territore orijinal	Republega de Weimar
Massema estension	696 265 km² ind el 1943
Popolazion	90 030 775 ind el 1943
Economia
Valuda	Reichsmark
Comerci con	Potenze de l'Asse Svezia Spagna
Relijon e societaa
Relijon principala	Catolicesim, protestantesim, cristianesim positiv (ebraism fina al 1939)
Massema espansion todesca ind la Segonda guerra mondiala
Evoluzion storega
Prima al g'era	Republega de Weimar Saar Austria Citaa libera de Danziga
L'è stait sostituid da	Jermania ocupada Austria

Storia

La conquista del poder

Ol 30 jenar del 1933 l'Hitler el g'ha havud del president Hindenburg la carega de Cancellier de la Republega de Weimar, ind un govern de minoranza guidad del partid nazionalsoçalist, qe ind i elezion del 1932 l'hiva ciapad la majoranza relativa. Subet al s'è dait de far per conquistar ol poder, e 'l bruxament del Reichstag l'è stait ol pretest perfet per tirar vià i libertaa civil. I länder e tuts i olter poder autonom i è stait piegads a la volontaa del govern central.

Con la mort de l'uneg ostacol restait, l'istess Hindenburg, l'Hitler l'ha ciapad anc la carega de president e ol comand suprem dei Forze Armade).

Ol rejim

Tirad vià ol sindacalism liber, ol rejim l'ha inviad l'instaurazion de un controll total de la societaa, a travers de la jerarqizazion dei fabrege e dei lavorador, la propaganda capillara (organizada del Joseph Goebbels) e la persecuzion dei oposidor.

L'espansion territoriala

Despò de l'ocupazion del Saarland ind el 1935, l'Hitler ind el 1938 l'ha completad l'Anschluss e la conquista dei Sudeti e del rest de la Cecoslovaqia. Con l'invasion de la Polonia (come prima part del projet de espansion a est) ind el 1939 l'è començada la Segonda Guerra Mondiala.

I persecuzion e la politega razista

Per saver-n plussee, varda l'articol Shoah.

Ol rejim l'è stait caraterizad de la persecuzion dei nemix politeg e dei raze inferior, çoè miga part de la raza ariana, sovertut i slav e i ebree. I so proprietaa i era confiscade, e i era deportads ind i camp de concentrament, per lavorar come s'ciav e despò vesser sterminads. Tut al faxiva part del projet de un nœv orden europee, basad in su i raze e guidad de la Jermania.

La fin

Cond el rivar dei trupe sovietege a Berlin, l'Hitler l'ha cernid de suicidar-s ind el so bunker ind la citaa, per vesser miga ciapad dei so nemix. Ol Terz Reich l'ha firmad ofiçalment la resa incondizionada ol 8 de maj del 1945.

Cartografia

• 
  Perdide todesqe indel 1919
• 
  1933
• 
  1938
• 
  1939
• 
  1943
• 
  1944
• 
  Evoluzion territoriala

Bibliografia

• (IT) Germania ind la Treccani (sezion Hitler e la creazione del Terzo Reich)