INRI

Chest artícol a l'è scricc in Lumbàrt, ortograféa orientàl unificàda.

INRI l'è la sìgla de la fàze latìna Iesus Nazarenus Rex Iudaeorum che l'éra sùra la crus de Nòst Signùr e che s'pöl tradüzela con Gezü de Nàzaret, ol Rè di Giüdèi. L'è regordàda in del Nöf Testamènt in töcc i quàter Vangéi, chèl del San Matéo (27:37), del San March (15:26), del San Lüca (23:38) e del San Gioàn (19:19).

Ol Signùr in crùs e sùra 'l Titulus Crucis: INRI

Quàze töcc i crucifése i gh'à tacàt sö ü cartèl de lègn metìt apéna sùra 'l có del Signùr, 'ndóe gh'è scricc pròpe INRI. Chèsto cartèl l'éra ciamàt Titulus Crucis e segónt la lège romàna l'éra ubligatòre mètel e 'l servìa a spiegà 'l perchè de la condàna. A la stèsa manéra i crucifése di ortodòs i gh'à scricc söl titulus INBI, che l'è la sìgla de la fràze gréca «Ἰησοῦς ὁ Ναζωραῖος ὁ Bασιλεὺς τῶν Ἰουδαίων» che, compàgn de chèla latìna, la öl dì: Gezü de Nàzaret, ol Rè di Giüdèi.