Impero Roman

Quell articol qì l'è scrivud in Lombard, ortografia SL.

Impero Roman
Mot: S.P.Q.R. Senatus PopulusQue Romanus (Ol Senad e 'l popol roman)
Daits aministrativ
Lengue ufiçale	latin
Lengue parlade	principai latin e grec, plœ i lengue locale
Capitala	Roma
Oltre capital	Augusta Treverorum, Mediolanum, Nicomedia, Sirmio, Ravenna, Antiochia e Costantinopel
Politega
Forma de govern	Periodo 27 p.d.S-235 d.C./284 d.C.: Republega oligarqega (de iure) Principad (de facto) Periodo 284-395: Dominato, çoè monarqia assoluda
Imperator Cesare Augusto	Elenc
Orgen deliberativ	Senad roman
Nassida	16 jenar 27 p.d.S. con Augusto
Causa	Guerra civil romana
Fin	17 jenar 395 con Teodosi I
Causa	Division intra i eredi al trono Onorio e Arcadio
Territore e popolazion
Zona jeografiga	Europa e bacin del Mediteraneo
Massema estension	5 957 000 km² ind el II secol
Popolazion	56 800 000 ind el I secol
Relijon e societaa
Relijon principala	relijon romana, relijon greca, relijone ejiziana, mitraism, cristianesim (dal IV secol).
Relijon de Stat	relijone romana fina al 27 fevrer 380, po cristianesim
Relijon minore	relijon ebraega, culti tradizionai di popoi barbari
Class soçai	citadin roman (nobilitas e populus; senatores, equites (cavalier) e ol rest del populus; dal III secol d.C.: honestiores e humiliores), peregrin (sudit de l'impero senza citadinanza, fina al 212), forester, liberti, s'ciavi
L'Impero a la so massema espansion sota Traian
Evoluzion storega
Prima al g'era	Republega romana
L'è stait sostituid da	Imper d'Ocident Imper d'Orient

L'Impero Roman l'è stait la continuazion de l'entitaa statala de la Republega Romana, col passar dei poder principai dal Senad al Princeps (titol formal di prim imperator).

Per ol prencepe l'è ciapad ol 27 p.d.S., prim ann del principad de Augusto, qe in seguet a la vitoria ind la guerra civil l'ha pudid ciapar l'ereditaa politega del so predecessor e pader adotiv, Cesare.

Nassid pagan, in seguet al slargar-s del cristianesim, l'Impero l'è deventad cristian: ind el 313 d.C. Costantin I l'ha emanad un Edit per far finir i persecuzion, e ind el 380 Teodosi I l'ha fait deventar relijon de stat (Edit de Tessalonega).

Prope a la mort de Teodosi, ind el 395, l'Impero l'è dividid in do parts, ocidentala e orientala, per cercar de frontar mei i nemix estern (popoi jermaneg e Sasandini) e i problem intern.

Ol borlar de la so part ocidentala ind el V secol l'ha segnad la fin de l'Etaa Antiga e ol prencepe del Medioevo. La part orientala, invece, ciamada da i storeg modern Impero Bizantin, la indarà inanz fina al 1453.