Imper Latin de Costantinopel
|
Quell articol qì l'è scrivud in Lombard, cond l'ortografia Scriver Lombard. |
L'Imper de Romania[1], latin Imperium Romaniæ, cognossid ind la moderna storiografia come Imper Latin de Costantinopel o Imper Latin d'Orient, e ciamad dei Bizantin Ocupazion Latina,[2] l'è stait un stat croxad feudal fondad dei cap de la IV Croxada in su i terre bizantine conquistade.
| Imper Latin de Costantinopel | ||
|---|---|---|
| ||
| Daits aministrativ | ||
| Nom ufiçal | Imperium Romaniæ | |
| Lengue ufiçale | grec | |
| Lengue parlade | Grec, Latin, Frances | |
| Capitala | Costantinopel | |
| Politega | ||
| Forma de govern | Imper | |
| Imperador | Imperador Latin de Costantinopel | |
| Nassida | 1204 con Baldovin I | |
| Causa | IV Croxada e conquista latina de Costantinopel | |
| Fin | 1261 con Baldovin II | |
| Causa | Reconquista de Costantinopel | |
| Territore e popolazion | ||
| Zona jeografiga | Grecia e Anatolia | |
| Relijon e societaa | ||
| Relijon principala | Ortodossa | |
| Relijon de Stat | Catolega | |
| L'Imper Latin e i so vassai | ||
| ||
| Evoluzion storega | ||
| Prima al g'era |  | |
| L'è stait sostituid da | | |
Storia
ModifegaDespò de la conquista de Costantinopel ind el 1204, l'Imper l'è stait fondad come la continuazion de l'Imper Roman d'Orient, cond un imperador catoleg inscambe qe ortodoss.
Ol prim imperador l'è stait ol Baldovin I de Costantinopel, Cont dei Fiander, incoronad ol 16 de maj 1204, e l'olter candidad a'l tronn, ol Marqes del Montferrad Bonifaç, al ciapava ol titol de Re de Tessalonega, la segonda citaa de l'Imper dop de la capital, come so vassal.
Despò d'una prima fas de sucess militar, sovertut sota l'imperador Enric dei Fiander (1206 - 1216), l'Imper l'è plu reussid a mantegnir ol controll dei so vassai, e i continue guerre contra i Bulgar e i stats bizantin miga conquistads i ha portad a la so fin.
Ind el 1261 ol jeneral nicean Alexios Strategopoulos, intratant qe la flota veneziana cond la guarnijon imperiala l'era ocupada ind el Mar Neger, al reconquista cond adoma 800 omegn una Costantinopel sguarnida, grazie a una porta segondaria dervida de l'intern. Cond la fraca de la flota tornada indree, l'imperador Baldovin II l'è costret a scapar de la citaa, e con Miqel VIII Paleolog l'è restabilid l'Imper Bizantin.
Ol titol de Imperador Latin l'è stait reclamad in Ocident fina a'l XIV secol.
Riferiments
Modifega- ↑ (EN) Per la longa storia de "Romania" come nom territorial per l'Imper Roman e (plœu tarde) Bizantin, varda R.L. Wolff, "Romania: The Latin Empire of Constantinople". In: Speculum, 23 (1948), pp. 1-34.
- ↑ (EN) David Jacobi, The New Cambridge Medieval History, Volume V: c. 1198 - c. 1300, publicad ind el 1999, ISBN 0-521-36289-X, capitol The Latin empire of Constantinople and the Frankish states in Greece, pajine 525-542