Johan Cruijff
|
|
Chest artícol a l'è scricc in Lumbàrt, ortograféa orientàl unificàda. |
Hendrik Johannes Cruijff, ciamàt Johan e de spès scriìt Cruyff sö la stàmpa de lèngua mìa olandéza (en olandés: /joːˈhɑn krœyf/; Amsterdam, 25 de bril del 1947 – Barcellona, 24 de mars del 2016), l'è stat en zögadùr e alenadùr de fóbal e ditrigènt spurtìf olandés. L'è cunsideràt giü dei piö brài de la stória [1][2][3], l'è stat giö dei ezèmpe piö emblemàtich del fóbal totàl col qual l'Ajax de Amsterdam e la nasiunàl olandéza de Rinus Michels i g'ha revulusiunàt la stória del fóbal 'ntra la metà dei agn 1960 e la prima metà dei agn 1970[4].
Endel córs de la sò cairéra gh'è stat dat divèrsi scötöm: el piö famùs l'è "Profeta del gol", che 'l g'ha ispiràt el tìtol del docümentàre sö la sò vita de spurtìf, dirèt de Sandro Ciotti[5]. El Gianni Brera el l'ìa 'nvéce batezàt "el Pelé bianch"[6].
Ensèma col Michel Platini e col Marco van Basten, l'è 'l zögadùr che g'ha insìt piö tàte ólte el Balù dór. L'è stat iligìt el segónt piö brào zögadùr del sècol XX dedré del Pelé endela clasìfica fàda zó del IFFHS[7].
L'è stat apò a giü dei sés alenadùr a ìga insìt la Cópa dei Campiù dòpo ìla insìda apò a de zögadùr, i óter a ìga el stès rècord i è Miguel Muñoz, Giovanni Trapattoni, Josep Guardiola, Frank Rijkaard e Carlo Ancelotti.
Riferimèncc
Modifega- ↑ «Cruijff e i grandi, da Best a Maradona e Guardiola: "Ha dipinto la Sistina..."». La Gazzetta dello Sport, 24 de mars del 2016.
- ↑ «Il mondo del calcio piange Johan Cruyff». Sport Mediaset, 24 de mars del 2016.
- ↑ Il più grande di tutti i tempi. Sport Mediaset, 29 de utùer del 2010. URL consultad in data 24 de mars del 2016.
- ↑ Johan Cruijff Treccani.it
- ↑ Il profeta del gol (Dvd)
- ↑ Johan Cruyff, Cruyff, Cruyff Johan, Biografia di Cruyff, Grandi campioni del calcio, grandi cannonnieri, grandi fuoriclasse
- ↑ IFFHS' Century Elections . URL consultad in data 27-06-2010.