La Margì
|
|
Chest artícol a l'è scricc in Lumbàrt, ortograféa orientàl unificàda. |
La Margì l'è ü zöch de càrte che s'fà 'n de la Bergamàsca e l' ciàpa l' nòm dal quàter de spàde che l' gh'à dizegnàt dét tra i spàde öna dòna che l'è suernominàda bé apùnto la Margì, la möer del Giupì.
'l vocór ü mas de 40 càrte bergamàsche e l'è mèi zögà 'n quàter o sich, ach se s'pöl zögà pò 'n dù o 'n vòt.
Se dà fò i càrte a i zögadùr che i gh'à de scartà, a dò a dò, chèle che i è stèse, fina a restà con in di mà dóma di càrte spaiàde; ghè pò de scartà töcc i quàter, fò che la Margì. Scartàde i càrte che gh'è de scartà, se tàca a zögà. Ol prim che l'à ciapàt i càrte da chèl de mas l' pèsca öna càrta dal segónt e se chèsta l'é stèsa a öna de chèle che l' gh'à 'n di mà i a scàrta töte e dò, sedenò l' la té. Pò l' tóca al segónt pescà dal tèrs e via isè fina a ché se fenés i càrte. Chèl che 'l fenés per prim i càrte 'l vèns, menimà chèl che l' rèsta co la Margì in di mà 'l pèrt.