Les Musardises
Les Musardises l'è öna racòlta de poesée scricia dal Edmond Rostand in del 1890 e stampada dal Lemerre l'istès an.
L'è stacc ol prim laurà leterare del Rostand che l' gh'à üt 'mpó de fortüna, desà che, ach se l'à endìt póch o negót, l'è stacc apresàt da i critèch literare, compàgn del Émile Faguet che l' n'à parlàt söl Journal de Débats e trì poesée de la racòlta i gh'à üt l'onùr de èss istacie metide 'n müsica dal Chabrier.
In di Les Musardises gh'è töcc i elemèncc che i mancherà piö de lé 'nacc in di laurà del Rostand: la fantasèa, ol göst per i particolàr.