Chest artícol a l'è scricc in Lumbàrt, ortograféa orientàl unificàda.


Cuurdinàde geogràfiche: 43° 51' N 10° 31' E



Lucca l'è 'na cità italiàna de la regiù de la Toscana, capolöch de la Pruvìncia omònima. La gh'a presapóch 84.410 abitàncc (dàto ISTAT del agóst 2009), 'na superfìce de 185 km² e 'na densità de 431 ab./km². El cümü de Lucca el cunfìna coi cümü de Borgo a Mozzano, Camaiore, Capannori, Massarosa, Pescaglia, San Giuliano Terme (PI) e Vecchiano (PI).

Lucca
Comun
Lucca - Bandera Lucca - Stema
Lucca - Sœmeanza
Lucca - Sœmeanza
Dats aministrativ
Nom ofiçal Lucca
Stat Itàlia
Rejon Toscana
Provinça Provincia de Lucca
Politega
Sindeg Mario Pardini
(27 giugn 2022)
Orgen lejislativ Consili comunal
Territore
Coordinade 43°51′N 10°31′E / 43.85°N 10.516667°E43.85; 10.516667
OSM 42659
Voltituden 19 m s.l.m
Superfix 185,79 km²
Abitants 88 798 ab.
(1º genar 2023)
Densitaa 477.95 ab./km²
Confin Borgo a Mozzano, Camaiore, Capannori, Pescaglia, San Giuliano Terme, Massarosa e Vecchiano
Fus orari UTC+01:00 e UTC+02:00
Varie
Prefiss 0583
Codex postal 55100
Codex ISTAT 046017
Codex catastal E715
Sant protetor Paolino di Lucca
Cl. climatega
Cl. sismega
Localizazion
Lucca - Localizazion
Lucca - Localizazion
Sit istituzional

Stória Modifega

Segónt chèl che gh'è stat retroàt dei scàvi archeològich, par che la cità la sàpe stàda fondàda come 'na colònia Lìgure, e piö tàrde l'è stàda englobàda dét endèl teretóre dei Etruschi.

La prìma mensiù de Lucca l'è òpera de Tito Livio che 'l la descrìf come part de la Repüblica Romàna alméno del 218 a.C., e che 'ndèl 180 a.C. l'ìa 'na colònia romana. Endèl an 90 prìma del Signur l'ìa deentàda 'n municipium.

El centro stòrich de Lucca el manté la dispuzisiù de le stràde segónt la 'mpostasiù romàna e la Piàsa San Michele la òcupa 'l pòsto de 'n foro antìch. I rèscc de 'n anfiteàtro i è amò vizìbii en piàsa de l'Anfiteatro. Sèmper en época antìca, l'è a Lucca che s'è tignìt la conferènsa de l'an 56 a.C. che la g'ha reafermàt la superiorità del Prim triumviràt.

L'è mìa stat pusìbol stabeléser con preciziù quàndo gh'è stat el pasàgio al cristianézimo a Lucca, ma, gh'è dele citasiù de 'n vèscof de Lucca che risàl al an 343 - 344. En piö gh'è dei docümèncc che ripórta che Frediano, en vèscof irlandés che piö tàrde 'l vegnarà canunizàt, l'è stat el vèscof de Lucca a le metà del sècol VI.

Endèl córs dei prim sècoi, Lucca l'è pò stàda duminàda dei Ostrogòti, dei Bizantì (apò a dòpo de ìga rezistìt dei més quan che l'è stàda asediàda de Nasser), enfìa a éser cunquistàda 'na ólta per töte dei Longobàrdi presapóch endèl an 570.

Endèl medioévo la cità la s'è svelöpàda 'n particolàr come tàpa 'mportànte sö la Via Francigena.

Endèl an 773 i Longobàrdi i vé batìcc dei Frànchi e fenés isé 'l sò domìnio sö Lucca en favùr de chèl dei carulìngi, apò a gràsie a la scunfìta dei düchi de Lucca per mà de Carlo Magno. Endèl perìodo che vé dòpo, la cità la consòlida la sò puzisiù de 'mportànsa e la crès apò a gràsie a le atività comerciài e a la prudusiù tèsil, per la quàla l'è dentàda famùza en töta l'Europa.

colegamèncc estèrni Modifega

 
Wikimedia Commons
al gh'a dent roba culegada a: