Moehringia concarenae

Moehringia concarenae
Classifigazion sientífiga
Regn:	Plantae;
SubRegn:	Tracheobionta;
Division:	Magnoliophyta;
Clas:	Magnoliopsida;
Subclassa:	Caryophyllidae;
Ùrden:	Caryophyllales;
Famìa:	Caryophyllaceae;
Sota-famìa:	Alsinoideae;
Stìrpa:	Alsineae;
Zèner:	Moehringia;
Spéce:	M. concarenae;
Nomm binomial
	Moehringia concarenae; F.Fen. & F. Martini, 1992

Chest artícol a l'è scricc in Lumbàrt, ortograféa orientàl unificàda.

Chèlla us ché la gh'ha mia di foncc o i è tròp póche. Per piasér, zónta di fóncc a la us. Issé de ìga ön'idéa di ótre us senza fóncc, ardì ché.

Moehringia concarenae l'è 'na spéce de piànta erbàcea che fà part de la famìa botànica de le Caryophyllaceae. L'è 'na spéce che crès apéna 'ndèi mucc 'ntra la pruvìncia de Brèsa (Concaréna) e chèla de Bèrghem (Arera, Pis Camì e Bagòsa).

Descrisiù

Piànta erbàcea perène, che rìa 'nfìna a 5÷15 ghèi de altèsa del teré, e che furma dei boscaì ladì, co divèrsi gambì che se tìra dré ré a tèra. Le fòie i è mìa pelùze, de fùrma lineàr-lanceolàda, en bris carnùze, de culùr vért e co la puta gösa. La 'nfiurescènsa l'è furmàda de 'n fiùr o du per ogna gambì. I sépali i è piö lónch dei pétali e chèsti i è biànch e bèi destacàcc de giü con l'óter. La fiurés de la fì de zögn ai prim de óst.

Habitat

Géra calcarea-dulumìtica, maserécc instàbii, sfrizidüre de le préde calcàree 'ntra i 1800 e i 2200 méter.

Distribüsiù

L'è 'na spéce endémica piötòst ràra, che crès apéna 'ndèle Prealpi Bresàne e Bergamàsche. L'areàl el va de la Al Brembàna (Pis Arera) e la Al Camònega (Concaréna). 'Ntra i mucc 'ndoche se pöl troàla gh'è la Prezolàna, el Simù de la Bagòsa, el Pis Camì, i Campèi e la còsta ucidentàla de la Sìma Bachèta (che l'è cunsideràt el locus classicus).