N-uplet
|
Artícuj relazziunaa a Matemàtega |
| Quest articol chi l'è scrivuu in Koiné occidentala. |
In matemàtega, si n al è un intreegh natüraal mia nüll alura un n-uplet a l’è una collezziú da n ugett tala che al síes pussíbil da dí esatameent quaal è ul primm elemeent, ul seguunt elemeent, ..., ul di n. I elemeent i è apó cjamaa cumpusante.
Si a nutemm a1 ul primm elemeent, a2 ul seguunt elemeent, ..., an l elemeent da pòost n, ul n-uplet sa l scriif : (a1,a2,...,an)
L'igualtaa di n-uplet sa la definiss par
- (a1,a2,...,an)=(b1,b2,...,bn) si e noma si a1=b1, a2=b2, ..., an=bn.
Un 2-uplet al è un para, un 3-uplet al è un triplet, un 4-uplet al è un quadruplet, un 5-uplet al è un quintuplet, ...
Si E1, ..., En i è di cungjuunt alura ul cungjuunt di n-uplett (a1,a2,...,an) indúe a1 al partegn à E1, ..., an al partegn à En al è ul prudüit cartesià di cungjuunt E1, ..., En.
Esempi
Modifega- I puunt dal spazzi veturiaal urdinari i è representaa par di triplet da reaj
- i nümar cumpless i è custrüii à partí da para da reaj
- un quaterniú al pöö vess representaa par un quadruplet da reaj.
Furmalizazziú
ModifegaFurmalameent, un n-uplet al pöö vess definii in tèrmin da cungjuunt par
- (a1,a2,...,an)={a1,{a1,{a2,{a2,{a3,{a3,...,{an-1,{an-1,an}}...}}}}
u druvaant una definizziú recürsiva :
- un 1-uplet (a1) al è sémplismeent a1;
- si x al è un n-uplet, alura (x,an+1) (i.e. {x,{x,an+1}}) al è un (n+1)-uplet.
Al è assée fàcil da demustrá che cheste definizziú i è equivalente, da tüta manera i cungjuunt utegnüü i è fisc difereent.
Prugramazziú
ModifegaUn bell puu da lenguagg da prugramazziú i süporta i n-uplett cuma tiip da data, furmaa u bé d'ugett töcc da l’istess tiip u bé d'ugett da tiip difereent.
Ul lenguagg da programazziú LISP al a druvaa, aj söö inizzi, la nuzziú astrata da para par creá tüte le suve strütüre da n-uplet e da liist, da manera similara à la definizziú recürsiva precedenta.