Oxalis corniculata

Chest artícol a l'è scricc in Lumbàrt, ortograféa orientàl unificàda.

Oxalis corniculata (en bresà l'è cunusìda col nòme de Alelüja zàlda o Prat caalì) l'è 'na spéce de piànta erbàcea che fà part de la famìa botànica de le Oxalidaceae.

Oxalis corniculata
or.: Alelüja zàlda, Prat caalì
Classifigazion sientífiga
Regn: Plantae Division: Magnoliophyta Clas: Magnoliopsida Ùrden: Oxalidales Famìa: Oxalidaceae Zèner: Oxalis Spéce: O. corniculata
Nomm binomial
Oxalis corniculata L. (1753)

L'è mìa ciàr de che bànda che la sàpes uriginària ma se pènsa che la pöde véser 'na piànta del vècc mónt. L'è cunsideràda 'nvazìva per i giardì, per l'agricültüra e 'ndèi pracc razàcc. La se propàga suradetöt endèle zòne abitàde e trasfurmàde de l'òm: crèpe dei mür, ciós, ére, órcc, giardì, marciapè; del la pianüra 'nfìna ai 800 m s.l.m.

Descrisiù

• Raìs
  • La raìs l'è a ficù, sèmper piö sitìl con piö che 'l và 'n profondità. La g'ha mìa de stulù.

• Fòie
  • Le fòie i è furmàde de trè fuiulìne a fùrma de cör de presapóch 5÷9 x 8÷12 mm. I è altèrne, vérde, quach vólte le pöl tirà al viòla, le g'ha dele stìpole picinìne retangolàre, auricolàde e tacàde al gambì. .
• Fiùr
  • I fiùr i è zàlcc e picinì, 7÷10 mm.
  • I fiorés de la primaéra a l'autùno
• Fröt e somésa
  • El fröt l'è 'na capsula bislónga, mìa piö lónga de 15 mm,
  • La sparnéga la sò somésa a divèrsi ghèi de distànsa (autocorìa)

Sotaspéci e varietà

• Oxalis corniculata subsp. pilosa (Nutt.) Lourteig
• Oxalis corniculata var. preissiana (Steud.) Knuth
• Oxalis corniculata var. wrightii (A. Gray) B.L. Turner

Galería

• 
  Foie
• 
  Fiur
• 
  Piantine
• 
  Piantine
• 
• 
  Fiur derènt
• 
  Fiur derènt

Colegamèncc estèrni

Wikimedia Commons

al gh'a dent roba culegada a:

Oxalis corniculata