Pinguicula leptoceras
|
|
Chest artícol a l'è scricc in Lumbàrt, ortograféa orientàl unificàda. |
La Pinguicula leptoceras l'è 'na spéce de piànte carnìvore endémica de la cadéna de le Alpi. La fà part de la famìa botànica de le Lentibulariaceae.
| Pinguicola leptoceras | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Stat de conservazion | ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Pinguicula leptoceras Rchb., 1823 |
Descrisiù Modifega
Piànta erbàcea perène, co raìs bèle svelöpàde, alta 4÷10 ghèi, condena rüzitìna de fòie bazài che rèsta arènt al teré e gambì fiurài che stà sö bèi dricc, sènsa fòie e peluzècc. En bris encürvàcc endèla part piö àlta.
Le fòie i è töte reünìde 'ndèla rözèta bazàla, le g'ha fùrma elìtica-lanceolàde, co l'òrlo piö o méno riultàt en dét. I è de culùr vért ciàr, carnùze, 'ntréghe, e cuarciàde zó 'ndèla part ensìma de ghiandulìne de du tìpi: vergöne le böta fò 'na sostànsa 'ntacoléta (per catürà i insècc) e dele ótre che làsa nà dei enzìmi per la digestiù dei insècc catüràcc.
Ògna piànta la fà sö apéna 'n fiùr, ermafrudìt, zigomòrf, tetraciclich, pentamer; càles de 5 mm con 2 làer dividìcc en 3 e 2 lacìnie. El làer ensìma l'è furmàt de 2 lacìnie laterài strète, e giöna centràl bidentàda troncàda. El làer de sót, l'è furmàt de dò lacinie strète, dividìde sü töta la longhesa; la coròla l'è gamopetala, bilabiàda lónga 'nfìna a 30mm, col làer ensìma bilobàt e chèl de sóta con tré lobi che se 'ncàala 'n bris de giü con l'óter. L'è de culùr che tìra al viòla con quach màce biànche arènt a la fauce e söl làer de sóta. El sperù l'è cilìndrich, mìa tat sitìl endóche 'l fenés. La fiuridüra l'è 'ntra zögn e löi. El fröt l'è 'na capsula ovoide.
Quan che tàca a fà i prim frècc, la piantìna la se sèra e la fùrma 'n "hibernaculum" che 'l sarès 'na rüzitìna strèta strèta e 'mpacàda, de spès compagnàda de böcc; chèsta cunfigürasiù la ghe permèt a la piànta de rezìster al zél a e la söta. Quan che rìa la priméra chèsti hibernacula i tùrna a dirvìs e 'ndèl gir de póch dé i vé a furmà la rözèta compàgn che l'ìa prìma.
Habitat Modifega
Pracc ömecc, brughiére subalpìne, de spès arènt a surtìe o cors d'àiva picinì, de preferènsa acidòfila. La crès dei 500 ai 2500 méter s.l.m.
Riferimèncc Modifega
- Pignatti - Flora d'Italia - Edagricole
- Conti F., Abbate G., Alessandrini A., Blasi C. (a cüra de), 2005 - An annotated checklist of the Italian vascular flora - Palombi Editori