Quercus robur

El Quercus robur (u anca: Quercus pendunculata; en Lombàrd ucidentàl: Rùgura; en Lombàrd orientàl: Rùer), anca ciamada in temp andaa Rugura Tudesca (Deutsche Eiche) a l'è un Arbur a Föja de la fameja di Fagaceae. Un mügg de rugur tüt insema 'l vegn ciamaa Ruguree.

Quercus robur L., 1796
occ.: rùgura or.: rùer
Una rùgura
Classifigazion sientífiga
Regn: Plantae Division: Magnoliophyta Clas: Magnoliopsida Ùrden: Fagales Famìa: Fagaceae Zèner: Quercus Spéce: Q. robur
Nomm binomial
Quercus robur L., 1796

Quercus robur

Descriziun

La Rùgura la vegn grand fin 20 u anca 40 meter e 'l so diameter el cress fin a trii meter. La vegn vegia fin a 500 u anca 1000 agn. Di völt anca fin a 1400 agn. La sua rüsca, prima l'è möja e verda-grisa, pö, püssee tard, la vegn düra e grossa e grisa-marun de culur.

• 
  Una Rugura bela granda
• 
  Una Rùgura
• 
  Sfluradüra de la Rugura

Difüsiun

Difüsiun di Rugur

La Rugura l'è ben difüsa departüt, u asquas departüt, in Eüropa: la manca dumà in del süd de la Penisula Ibérega, in Sizilia, in Sardigna, in del süd de la Grecia, e in del nord de la Scandinavia e de la Rüssia. Int i Alp la riva fin sü a 1000 meter in sül nivel del mar.

I giand

In Val Ciavenna, i giandol de rover a vegnen faa seccà, tostaa e masnaa: dopo a vegnen buii, e de lì se tira foeura on debev cont on savor compagn del cafè. On temp se diseva che quella bevanda chì la podeva servì de medesina<ref>Giacinto Caligari, Chiavenna in dialetto, Ciavenna, Centro Studi Storici Chiavennaschi, 1970.</references>.