Renania

Quell articol qì l'è scrivud in Lombard, cond l'ortografia Scriver Lombard.

Renania
Stema	Bandera

Renania l'è ol nom generc de la rejon jeografega de la Jermania bagnada dal fiœm Reno.

Jeografia

L'è ind la zona ocidentala de la Jermania, al confin con la França, ol Belji e ol Lussemburg, e la g'ha una superfix de 25.000 km². Le zone meridionale e orientale i è per la plœ part collinare (Westerwald, Hunsrück, Taunus e Eifel), e i è traversade da le vallade di afluents del Reno e de la Mosella; al nord g'è la vall de la Ruhr.

I citaa plœ importante i è: Aquisgrana, Bonn, Colonia, Duisburg, Düsseldorf, Essen, Coblenza, Krefeld, Leverkusen, Ludwigshafen, Magonza, Mannheim, Mönchengladbach, Wiesbaden e Wuppertal.

Storia

Ind el 1824 l'è staita creada la provinça de la Renania con la union di province del Bass Reno e de Jülich-Kleve-Berg. Con la fraca tedesca ind la Prima Guerra Mondial, la Renania l'è staita occupada e demilitarizada ind el 1919. Ol 7 marzo 1936 e forze armade tedesqe i è entrade ind la rejon per la prima volta da la fin de la guerra, e i ha insé violad ol Tratad de Versailles.

Aministrazion

Al dé de incœ la Renania l'è dividida intra Renania-Palatinat e Nord Reno-Westfalia.