Chest artícol a l'è scricc in Lumbàrt, ortograféa orientàl unificàda.


Sàle, (en Italià: Sale) l'è 'na frasiù del cümü de Gösàch, en pruvìncia de Brèsa. La g'ha presapóch 6000 abitàncc e la se tróa a 1,5 a sud del cèntro aministratìf del cümü.

El teretóre de Sàle l'è caraterizàt de la culìna — ciamàda "el mut de Sàle", ensìma a la quàl gh'è la céza parochiàla dedicàda a San Stéfen — e de le dò contràde antìche, chèla de Sàle colocàda sö la stràda che de Gösàch la và 'nvers Castignàt e chèla de la Crus, a èst del mut, che la g'ha ciapàt el nòm de la céza de la Santa Crus entùren a la quàla la s'è furmàda. La part piö nöa de la frasiù 'nvéce l'è vignìda sö dré a la stràda che mìna a Barch e a La Mandolòsa (via Trieste).

El nòm de la frasiù el vé de la paròla longobàrda "sala" che la stàa a 'ndicà 'na strütüra tìpica de l'organizasiù de le propietà teriére. El nòm l'è pò pasàt a la famìa nòbil padrùna dei teré (famìa dei Sala) e al paés.