Saxifraga presolanensis
|
|
Chest artícol a l'è scricc in Lumbàrt, ortograféa orientàl unificàda. |
Saxifraga presolanensis l'è 'na spéce de piànta erbàcea perène che fà part de la famìa botànica de le Saxifragaceae.
| Saxifraga presolanensis | ||||||||||||||
|---|---|---|---|---|---|---|---|---|---|---|---|---|---|---|
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Saxifraga presolanensis Engl. |
Descrisiù
ModifegaFùrma Biològica: Ch pulv - Camèfite pülvinàde. Piànte che g'ha böcc che pàsa l'envéren postàde a mìa de piö de 20 ghèi del teré e che g'ha portamènt a cüsì.
L'è 'na piànta erbàcea perène che fùrma dei cüsinècc mulzì, de fùrma emisférica e es•ciùs a tocài.
I gambì, lignificàcc en fónt, sitìi e erbàcei 'n sìma, cuarciàcc zó de fòie picinìne e peluzète, bèle spèse. Alcc 6÷12 ghèi.
Le fòie i è oblanceolàde-lineàr, spatolàte, lónghe dei 7 ai 10 mm e lòrghe 2÷5 mm, cuarciàde zó de pelacì ghiandulùs, le fòie dei agn prìma le rèsta e le ciàpa culùr gris arzentàt.
Le 'nfiurescènse i è, ladìne, con póch fiùr (2÷4) bèi rar.
Habitat
ModifegaPréde e canalù, sfrizidüre de le préde, gròte deèrte e ripàr, a cundisiù de éser a l'ómbra e schiàt de le 'ntempérie, sö fónt calcàreo; 1.700÷2.400 m s.l.m.
Distribusiù e conservasiù
ModifegaEndemismo rar e esclüzìf, la crès endèn teretóre che 'l va de la Al Brembana (pruvìncia de Bèrghem) a la Al Camònega (pruvìncia de Brèsa), a pasà per la Prezolàna, per i mucc de l'Arera, Pizz Camin, Pilù de Montefiore, Sasna e Bagòsa.
L'è spéce prutigìda per lége a leèl nasiunàl.
Bibliografìa
Modifega- ENGLER, A. & E. IRMSCHER. 1912. Saxifragaceae, Saxifraga. Das Pflanzereich, Lìpsia, IV, 117: 302
- PIGNATTI S., Flora d'Italia, 3 voll. Edagricole, Bologna 1982
- CONTI F., ABBATE G. ALESSANDRINI A. BLASI G., An Annotated Checklist of the Italian Vascular Flora, Roma, Palombi editori, 2005
- TAGLIAFERRI F., BENDOTTI M., BONA E., 2009. La Valle di Scalve - Guida alla flora rilevante degli ambienti naturali.