Chest artícol a l'è scricc in Lumbàrt, ortograféa orientàl unificàda.


Ü segmènt in geometrìa l'è ü tòch de öna rèta che la part e la fénes con dù póncc che i è ciamàcc "estrém".

  • Se i dù estrém i è sö öna lìnea cürva ol segmènt l'è ciamàt còrda.
  • Se i dù estrém i è i vertici d'ü polìgon ol segmènt l'è ciamàt làto quàndo i dù vèrtici i se tróa ü dré l'óter.
  • Se i dù estrém i è i vertici d'ü polìgon ol segmènt l'è ciamàt diagonàl quàndo i dù vèrtici i è mia mètìcc ü dré l'óter.
Ü segmènt in vért tra i dù estrémi A e B

I nòm di segmèncc Modifega

I è ciamàcc consecütìf dù segmèncc che i gh'à adóma ün estrém in cümü.

I è ciamàcc adiacèncc dù segmèncc consecütif che i se tróa sö la stèsa rèta.

I è ciamàcc incidèncc dù segmèncc che i gh'à adóma ü pónt in cümü.

I è ciamàcc congrüèncc dù segmèncc che i pöl stà ü sùra 'l óter e töcc i póncc del prim i se tróa pàri pàri con töcc i póncc del segónt, cioè i dù segmèncc i è lónch istèss.

I è ü pogiàt sura 'l óter dù segmèncc che i gh'à ün estrém in cümü e töcc i i póncc del prim i se tróa sö i póncc del segónt, ma i dù segmèncc i è mia lónch istèss.