Sivlì

Chest artícol a l'è scricc in Lumbàrt, ortograféa orientàl unificàda.

Ol Sivlì l’è ü sìfol de la Al d’Emagna. I sìfoi de la Al d’Emagna i è de dù tipi: ghe n’è ü lónch 22 – 25 ghèi con sèt büs ‘n de cana e ghe n’è ü lónch 10 ghèi con trì büs sö la cana che l’è ciamàt Sivlì.

Ol Cèntr Istöde Al d’Emagna (Centro Studi Valle Imagna) l’à organizàt öna campagna de stöde per salvà ol Sivlì che l’éra dré a pèrdes e gran mèrito ‘l và al Valter Biela.

Isé i è riàcc a tróa 6 persune che de mestèr i fàa sö i Sivlì e dù de chès-ce i è amò ‘n véta ach se i à fà piö sö:

ü l’è ‘l Antóne Quarènch de Rota Dét,

l’óter l’è ‘l Fortünàt Angiulì de Brümà.

Bibliograféa

Söl argomét Sivlì i è zamò stai stampàcc trì lìber:

1) “I flauti della Valle Imagna, spunti per una ricerca” in de la colana di "Quaderni di ricerca n°4" del A.R.P.A. de Bèrghem. Ol lìber l’è stai scricc in del 1985 dal Valter Biela e dal Piergiorg Masòch.

2) “Sivlì e sivlocc” a cüra del Valter Biela con ü tochèl iscricc dal Febo Guizzi e stampàt in del 2009 dal Cèntr Istöde Al d’Emagna. Insèma al lìber gh’è pò ü DVD che l’ cónta sö come se fà a fà sö i Sivlì e l’ fà èt cóme l’ fàa a fai sö ‘l Fortünàt Angiulì, ü di dù che i è amò bù de fai sö e che l’ la l’ fàa de mestér.

3) "Sivlì- manuale per il flautino della Valle Imagna" sèmper a cüra del Valter Biela e stampàt in del 2009 dal Cèntr Istöde Al d’Emagna. Insèma al lìber gh’è pò ü CD co i basi muzicai.

E ‘nsèma a i lìber s’pöl pò comprà ü Sivlì per imparà a sunàl.

Sivlì a scöla

Ol Cèntr Istöde Al d’Emagna l’à pò urganisàt di córs ‘n di scöle per insegnaga a i s-cècc a sunàl e ‘l Valter Biela l’è ‘l maèst.

Referènse

Ol sito http://www.baghet.it