Stema de Monça
 |
Quell articol qì l'è scrivud in Lombard, cond l'ortografia Scriver Lombard. |
| Stema de Monça |
|---|
.svg)
|
| Blasonadura |
| D'arjent a la luna de ross qe la cress al barboss |
Ol stema storeg de Monça l'è un scud d'arjent cond una luna rossa.
Stema ofiçal de l'aministrazion comunalaModifega
Ol stema ofiçal del Comun de Monça l'è: d'azœr, a la Corona Ferrea con sora una crox greca; ol tut circondad d'una fassa d'arjent cond el mot EST SEDES ITALIAE REGNI MODOETIA MAGNI. Ornaments esterior de citaa.
StoriaModifega
La LunaModifega
Ol stema plu antig de Monça l'era una luna rossa in camp bianc, e al g'ha i so orijin ind el Medioev. L'è probabel qe i fœss dei simboi del poder imperial (luna rossa) rifless in qell papal (sol bianc), qe a'l temp i era i do poder universai.
L'ultema version restaita del stema l'è ind el Codex dei Statuts de la comunitaa de Monça, conservad ind la Bibliotega Capitolara del Dom de Monça. Una volta l'era present anc sul balcon de l'Arengari, ma l'è stait tirad vià ind i agn de la Republega Cisalpina.
Ol simbol l'è segnad anc in do stemari: vun del 1496 ind la Bibliotega Trivulziana de Milan (n. 1390), e l'oltr ind el volum Galleria dei imprese e arme e insegne viscontee, del 1637, conservad ind el Arqivi de Stat de Milan.
G'è un bassrilev de la Luna ind una cà in via Lamber (ciamada per qest Cà de la Luna), ma l'è una roba del '800.
La Corona FerreaModifega
Ol stema d'incœ, segond dei ipotesi, al g'havress orijen de l'imperador Oton III, qe l'havress donad a la citaa ind el 996 (ann de la so incoronazion a Monça) ol simbol (o adoma l'esameter)[1] come sijill.[2] L'è stait recognossid in manera ofiçala ol 6 de maj del 1835 de l'imperador Ferdinand I d'Austria, cond un scud oval; ind el 1933 l'è stait confermad con Real Decret, cond el scud sanitig. Ind el 2003 l'è stait ridisegnad per vesser ingual in tuts i ats del Comun.
I simboi in sul stema i è: la Crox de Berengari (o del Regn) e la Corona Ferrea.
Galleria d'imajinModifega
![Una vegia ipotesi sora ol stema storeg[3]](//upload.wikimedia.org/wikipedia/commons/thumb/5/56/Coat_of_Arms_of_Monza_%28ancient%29.svg/103px-Coat_of_Arms_of_Monza_%28ancient%29.svg.png)
Una vegia ipotesi sora ol stema storeg[3]
La Cà de la Luna
In detai
Ol stema oval
Ol stema ofiçal a'l dé d'incœ
![Una vegia ipotesi sora ol stema storeg[3]](/wiki/Archivi:Coat_of_Arms_of_Monza_(ancient).svg)
RiferimentsModifega
- (IT) Monza - Antiche unità di misura
- (IT) Strategia per il progetto di restyling del Marchio cittadino, version arqiviada: qé
- (IT) Memorie storiche della città di Monza
- (IT) L'antico simbolo di Monza? Una donna
- (IT) I tre stemmi della storia di Monza, sit ofiçal del Cumun
- ↑ (IT) Strategia per il progetto di restyling del Marchio cittadino
- ↑ (IT) Memorie storiche della città di Monza - paj. 133
- ↑ (IT) Memorie storiche della città di Monza - paj. 132