Stil (botànica)
|
|
Chest artícol a l'è scricc in Lumbàrt, ortograféa orientàl unificàda. |
En botànica, el stil de 'n fiùr de le Angiospermae l'è 'l prolongamènt del ovàre e 'nsìma al quàl gh'è 'l stìgma. El stil el conté mìa òvuli che 'nvéce i è cuntignìcc apéna 'ndèla part del ginecèo ciamàda ovàre.
El stil endèle angiospèrme el pöl véser pié o öt. Endèle piànte che g'ha 'l stil vöt, la fìbra de trasmisiù (cioè 'ndóche se fùrma el tübo pulìnich per fà la fecondasiù) l'è custitüìt de 'n söl de cèlule epidèrmiche bastànsa diferensiàde che stà töt entùren al canàl vöt (denuminàt canàl stilàr). I tübi pulìnich i crès del stigma vèrs l'ovàre dré a superfìce de chèsto canàl, de sòlet endèn strat fì fì de mucilàgine. Endèle piànte che g'ha 'l stil pié, 'nvéce, le cèlule epidèrmiche i è fundìde 'nsèma e le làsa lìber nisü spàsio 'ntra giöna e l'ótra. I tübi pulìnich, en chèsto càzo, i crès entramès a le cèlule de la fìbra de trasmisiù (compàgn che 'ndèle petùnie,[1] ) o per le parécc de le cèlule (compàgn che 'ndèi Gossypium,[2]). La fìbra de trasmisiù endèi stìi pié la g'ha dét 'na sostànsa intercelulàra con dét la pectina, mìa tat diferènta de la mucilàgine che gh'è 'ndèl canàl stilàr dei stìi vöcc.[3] Del pónt de vìsta de la distribusiù de töcc du i tìpi de stìi 'ntra le famìe de Angiospermae, i stìi pié i cunsideràcc tìpich de le Eudicotyledoneae e i è rar endèle monocotilédoni.[4] [5]
Endèle Apiaceae, la bàze del stil l'è 'ngrosàda, l'è netarìfera e la vé ciamàda stilopòdio.
Riferimèncc Modifega
- ↑ Sassen M. M. A (1974). «The stylar transmitting tissue». Acta Botanica Neerlandica (23): pp. 99-108.
- ↑ Jensen W. A. & D. B. Fisher (1970). «Cotton embryogenesis: the pollen tube in the stigma and style.». Protoplasma (69): pp. 215-235
- ↑ C. Labarca, M. Kroh, and F. Loewus (2002). «:The Composition of Stigmatic Exudate from Lilium longiflorum: Labeling Studies with Myo-inositol, D-Glucose, and L-Proline» Plant Physiol. (46): pp. 150-156. Consültàt el 25/04/2008
- ↑ Eames A. J. (1961). « Morphology of the angiosperms.». McGraw-Hill, New York, New York, USA (69): pp. 215-235.
- ↑ Kocyan A. & P. K. Endress (2001). «Floral structure and development of Apostasia and Neuwiedia (Apostasioideae) and their relationships to other Orchidaceae.». International Journal of Plant Sciences (162): pp. 847-867
Bibliografìa Modifega
- Font Quer, P. (1982). Diccionario de Botánica. 8ª reimpresión. Barcelona: Editorial Labor, S. A.. 84-335-5804-8.
- Gola, G., Negri, G. y Cappeletti, C. 1965. Tratado de Botánica. 2da. edición. Editorial Labor S.A., Barcelona, 1110 p.
- Strassburger, E. 1994. Tratado de Botánica. 8va. edición. Omega, Barcelona, 1088 p.