Chest artícol a l'è scricc in Lumbàrt, ortograféa orientàl unificàda.


Suàn (nòm uficiàl en italià: Zoanno) l'è 'na frasiù del cümü de Put de Lègn, sitüàda endela part piö àlta de la Al Camònega, en Pruìncia de Brèsa.

La céza de S. Gioàn

L'abitàt el se tróa sö la spónda dèstra del torènt Frigidolfo, a 1320 méter söl leèl del mar, 'na setantìna de méter piö alt del fónt de àl e piö o méno en chilòmetro de distànsa de la frasiù de Put che l'è el cèntro comünàl. Suàn la g'ha presapóch 80 abitàncc (dato del 2007).

L'è zamò lüminàda enden docümènt del 1526, quan che le autorità de la al Camònega le ghe cumunicàa al senàto de la Repüblica de Venésia che gh'ìa stat fat sö 'na tór de oservasiù söl teretóre de chèsta località.