Tremùzen

Chest artícol a l'è scricc in Lumbàrt, ortograféa orientàl unificàda.

Cuurdinàde geogràfiche: 45° 46' N 10° 46' E

Tremùzen (nom uficiàl en italià: Tremosine) l'è 'n cümü italià, de la regiù de la Lombardìa, en Pruvìncia de Brèsa. El g'ha 2 100 abitàncc (dàto del Desember 2015^[1]), 'na superfìce de 72 km² e 'na densità de 27 ab./km². El se tróa a 'na altèsa de 414 méter söl leèl del mar e 'l cunfìna coi cümü bresà de Limù, Tignàl e Magàza, con la pruvìncia de Verùna coi cümü de Brenzone (VR), Malcesine (VR), e co la pruvìncia de Trènt col cümü de Léder (TN).

Tremùzen
Comun

Dats aministrativ

Lombardìa

Capolœg

Pieve

Politega

Sindeg

Orgen lejislativ

Consili comunal

Territore

Coordinade

45°46′20″N 10°45′30″E / 45.772222°N 10.758333°E

OSM

414 m s.l.m

72,69 km²

2 066 ab.
(1º genar 2023)

Densitaa

28.42 ab./km²

Confin

Brenzone, Limù, Magàza, Malcesine, Léder e Tignàl

Fus orari

UTC+01:00 e UTC+02:00

Varie

Prefiss

0365

Codex postal

25010

Sigla autom.

BS

Codex ISTAT

017189

Codex catastal

L372

Localizazion

Sit istituzional

Tremùzen l'è 'n cümü spars, che öl dì che l'è furmàt de diverse frasiù sparnegàde. La séde del cümü l'è endèla frasiù de la Piéf ma la comunità piö nömerùza l'è chèla de Vézio.

Stória

La testemognànsa piö antìca de l'ezistènsa de 'n cümü l'è 'n at datàt 12 de magio del 1268 endel qual gh'ìa part apò le autorità del cümü de Tremùzen.

Lüminàt 'ntra i cümü de la riviéra de Salò endela descrisiù de le tère bresàne del 1493, l'ìa abitàt de 788 anime (Medin 1886). Endei prim agn del sècol XVII el fàa par de la quàdra de Gargnà e 'l tülìa dét le frasiù "[...] Pieve, Vosandese, Cadignano, Pries, Vese, Progas, Nus, Voltino, Mesema, Somans, Vitevo, Alarias, Secastello, Sarner" (Da Lezze 1610).

Dele ótre fóncc le descriìa, entùren a le metà del sècol XVI, el cümü furmàt de le cumunità de "[..]Pieve, Pries (encö uficialmènt: Priezzo), Mus (encö uficialmènt: Musio), Sumpries, Secastello, Voiandes, Oltì (Voltino), Iusteg (encö uficialmènt: Ustecchio), Sarmer (encö uficialmènt: Sermerio), Cadignà, Pregas (encö uficialmènt: Pregasio), Mesema, Alarias" e popolàt de 1693 àneme (Archivi del Cümü de Tremùzen, Enventàre, p. 3)^[2].

Evulusiù demogràfica

Abitant censid

Riferimèncc

↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
↑ www.lombardiabeniculturali.it - Schéda söl Cümü de Tremùzen

[1] Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.

[2] www.lombardiabeniculturali.it - Schéda söl Cümü de Tremùzen

[1]

[2]