Ulmus minor

Ulmus minor, Miller
occ.: ùlem, ulma; or.: ùlem
	;
Classifigazion sientífiga
Regn:	Plantae;
Division:	Magnoliophyta;
Clas:	Magnoliopsida;
Ùrden:	Rosales;
Famìa:	Ulmaceae;
Zèner:	Ulmus;
Spéce:	U. minor;
Nomm binomial
	Ulmus minor; Mill

L' Ulmus minor Mill. (en Bresà: ùlem, in insübrich ùlem o ulma), l'è 'n àlber del zèner Ulmus, de la famìa de le Ulmaceae. L'è 'na spéce che crès de sòlit a altèse modèste e sö teré calcàrei e sèc. I ezemplàr piö ècc i è stàcc sterminàcc de 'na malatìa ciamàda grafiósi, cauzàda d'en fóns de urìgin aziàtica, riàt en Euròpa 'ndèl 1920,

Descrisiù

Fòie

Le fòie i è piötòst pesène (de 4 a 9 cm de longhèsa per 2 a 5 cm de larghèsa), rüvide, de culùr vért scür, alternàde e dìstiche, simples et pennivernées. La làmina de la fòia l'è mìa simètrica e la fenés condèna puta gösa. I òrli i è dò ólte dentàcc, la fàcia de sóta l'è peluzèta.

Fiùr

I fiùr i è ragrüpàcc en enfiurescènse de 'nfìna a trènta fiùr. El se fùrma prèst endèla stagiù isé che 'l fröt el madüra e 'l sparnéga la somésa prìma che le fòie le sàpes furmàde del töt.

Fröcc

I fröcc i g'ha fùrma de sàmara schisàda fò, conden'àla orbicolàr che la ghe à dré töt entùren al granì de somésa, e i rèsta ragrüpàcc. En prensépe i è de culùr vért ciar, de spès tinzìcc de rós, suratöt arènt a la somésa, e i diènta marunsì-zaldì prìma de crödà; i è lónc de 7 a 9 mm.

Le fòie
La scórsa del trónc
Ulmus minor - Museum specimen