Viking 2
|
|
Chest artícol a l'è scricc in Lumbàrt, ortograféa orientàl unificàda. |
Viking 2 l'è stàda 'na misiù spasiàla progetàda e realizàda de la NASA endei agn setànta del sècol XX, che la g'ha reprezentàt giöna de le tàpe piö 'mportànte de la stória de l'esplorasiù del pianeta Marte. Ensèma col a sò sónda zemèla, la Viking 1, la fàa part del Programa Viking.
Töte dò chèste sónde i éra furmàde de 'na part ciamàda orbiter, che la duzìa restà en òrbita entùren al pianéta e de 'na part ciamàda lander che a 'n momènt precìs la gh'ìa de destacàs del orbiter e nà a postàs söl pianéta. Le dò unità i éra stüdiàde per fà che apéna dòpo se éses destacàde, le püdìes laurà ognöna de per sò cönt, sènsa bezògn de cumunicà 'ntra de lùre e de püdì 'nvéce cumunicà co la Tèra en maniéra endependènta.
Dopo éser riàda endèn'òrbita stàbil entùren a Marte, l'orbiter el duzìa fà 'na prìma mapadüra de la superfìce del pianeta, isé de localizà 'n pòst adàt a fà aterà 'l lander.
La misiù l'è costàda 'n totàl entùren al miliardo de dòlari americà.
La misiù
ModifegaLa Viking 2 l'è stàda lanciàda ai 9 de setèmber del 1975 e dòpo de 'n viàs de öndes més, l'orbiter el s'è colocàt endel'òrbita de Marte ai 7 de óst del 1976; l'orbita l'è stàda stabilizàda du dé dòpo, e le prime 'nsomeànse i è riàde sö la Tèra ai 24 del stès més. Sö la bàze de le fóti che la sonda la mandàa, el cèntro de contròl de la NASA el g'ha catàt fò el pòst piö adatàt per fà aterà el lander; gh'è stat catàt fò la pianüra ciamàda Utopia Planitia. La separasiù e l'ateràgio del lander i è avignìde ai 3 de setèmber del stès an. La sonda l'ìa alimentàda de 'n generadùr a radio-izòtopi e la g'ha funsiunàt enfìna el més de bril del 1980, quan che le sò baterìe le s'è descargàde del töt.
