Viola biflora

Viola biflora
	;
Classifigazion sientífiga
Regn:	Plantae;
Division:	Magnoliophyta;
Clas:	Magnoliopsida;
Ùrden:	Malpighiales;
Famìa:	Violaceae;
Sota-famìa:	Violoideae;
Stìrpa:	Rinoreeae;
Sota-stìrpa:	Violeae;
Zèner:	Viola;
Spéce:	V. biflora;
Nomm binomial
	Viola biflora; L. 1753

Chest artícol a l'è scricc in Lumbàrt, ortograféa orientàl unificàda.

Viola biflora l'è 'na spéce de piànta erbàcea de la famìa botànica de le Violaceae. L'è 'na piànta che se tróa 'n Euròpa, 'n Sibéria, 'n Àzia Central, en Cìna, 'n Pakistan, 'n Corea del Nòrt, en Giapù e 'n América del Nòrt.^[1]

Descrisiù

Ilüstrasiù de Viola biflora

L'è 'na piànta perène, erbàcea, sènsa pelüria, cond'en rizòma cürt e sitìl e che se tìra dré a tèra, i gambì sitìi che pórta quach fòie, alcc de 5 a 20 ghèi.

Le fòie i è rotónde-renifùrme co l'òrlo crenulàt, en gambì bel lónch, condele stìpole cürte lanceolàde, de sòlet cigliàde, en nömer de 2÷4 reünìde a furmà 'na sórt de rözèta bazàl.

I fiùr i è pedunculàcc, sùi o 'nperàcc, col càles furmàt de 5 sépali lanceolàcc strècc, coròla a 5 pétali zàlcc, chèl che àrda 'n zó en bris piö lónch e co dele striadüre maròn, sperù cürt e drìt, pétali laterài arènt a chèi sùra.

El fröt l'è 'na càpsula sènsa pelüria, portàda sö'nden gambì drit.

Habitat

La crès de sòlet entra i 1500 e i 2600 méter sùra 'l leèl del mar; ràre segnalasiù pò a piö 'n bas (260 m s.l.m.) e piö 'n alt ('nfìna ai 3000 m s.l.m.). Pòscc ömecc e a l'ómbra, pridù con trapanamènt de àiva (stilicìdio) e sorgèncc. Se la tróa sö tota la cadéna de le Alpi.

Tasonomìa

Viola biflora l'è stàda discriìda del Linèo e püblicàda sö Species Plantarum 2: 936, endèl 1753^[2].

Varietà recunusìde:

Viola biflora var. biflora
Viola biflora subsp. carlottae Calder & Roy L.Taylor
Viola biflora var. rockiana (W. Becker) Y.S. Chen
Viola biflora var. sitchensis (Bong. ex Ledeb.) Regel

Sinònim:

Viola tayemonii Hayata [1916]
Viola reniformis Wall. [1829]
Viola kanoi Sasaki [1929]
Viola biflora var. cuspidata Pau [1887]
Viola lutea Lam. [1779]
Chrysion biflorum (L.) Spach
Dischidium biflorum (L.) Opiz ^[3]^[4]

Riferimèncc

↑ Encyclopedia of Life http://www.eol.org/pages/584599?category_id=20
↑ Viola biflora en Trópicos
↑ Sinònim en Tela botánica [1]
↑ Viola biflora en PlantList

[1] Encyclopedia of Life http://www.eol.org/pages/584599?category_id=20

[2] Viola biflora en Trópicos

[3] Sinònim en Tela botánica [1]

[4] Viola biflora en PlantList

[1]

[2]

[3]

[4]