Wikipedia:Parlum un poo de nün/Avril 2013

Fregi dala metà del XV secul a Malpaga (BG), Castel de Bartolomé Coleù, pitur anònim.

El baghèt (dal lumbard ‘’baga’’, parola prubabilment d’urigen celtich che la vö dì “sach de pel”) l'è un tipu da piva che la vegniva sunada, fin in vers la metà dal secul passaa, in dala Pruvincia da Bèrgum. Pürtrop a scumenzá dal dopu guera, al baghet l’è stai dismentegaa e, prugressivament, sustitüi da óltar strüment (presempi la fisarmònica). Dumá ültimament di ricercadur e di stüdius hann cuntribüii a fal riviv e finalment incö l’è ancamò pussibil scultá la sò vus.

Stòria

In tücc i paes de l'Euròpa hinn cugnusüü di strüment cun nom cuma zampógna, cornamüsa o piva che hinn sta assè impurtant, e in tanti cas hinn ancamò, per l'espressività müsicala dal mond pupular. Hinn certament antich i sò urigin, dafát a gh'hinn nutizzi sicür che di aeròfún cun la risèrva d'aria evan giamò druvaa a Ruma indal prim sécúl dòpu Crist. Indal períut medieval una gran quantità da funt icunugrafich la docümenta che l'eva presenta una faméja da strüment che i eva druvaa nurmalment e che la sa diferenziáva in divers tipulugii. Quèi mudèl diferent hiin i radis dai piv e dai zampógn che ancamò adèss hinn present in tüta l'Euròpa. ...inanz...