Wikipedia:Parlum un poo de nün/Giügn 2011

El dialet urmeasch (nom nativ: ulmioscu) l'è una variant del ligür parlaa in del cumün de Ormea, in pruvincia de Cuni (Val del Taner).
In de la fraziun de Viozene inveci se parla el brigasch, un'altra variant de muntagna del ligür.
El dialet urmeasch l'è staa classificaa 'me ligür giamò al principi del XX secul dal tudesch Bernhard Schädel, menter el Biondelli, in del 1853, le meteva in del "grüp munferin" del Piemuntes (ciuè 'l piemuntes uriental): anca se per dumà di resun geugrafigh.

Al dì d'incö el cumün de Ormea l'ha deciaraa de partegnì a la minuranza ucitana, ma la püpart di stüdius la cunsidera questa aziun una truvada duvüda a resun pulitigh-ecunomigh pütost che lenguistigh.
In del curs del temp hinn staa scrit un poo de over in 'stu dialet chì: la püssee impurtanta l'è una cumedia del Votcent ciamada E cauzate russe e l'anea d'algentu (ciuè I calzet russ e l'anel d'argent). Va innanz a legg...