Wikipedia:Parlum un poo de nün/Setember 2012

Cudògn (Codogno en italiàn, Cotoneum en latìn) l'è 'na cità de la Pruincia de Lod che la gh'ha 15 844 abitant (dàto del des 2015. L'è el cumün püssè grand dal teritori ciamàd bass ludesàn che'l gh'ha pressapòch 90.000 abitànt. Insema ai cumün de Fumbi e San Fiuràn el furma un continuum abitàd de püssè de 20.000 abitànt.

Num

Gh'en dù ipòtesi etimulògiche in merit a l'urigin dal num de Cudògn (arcaicamént Cotoneum). La prima la s'riferìss al cunsul rumàn Aurelius Cotta che l'ha batüd i gal de l'Insübria che steun ind i sò teritori; la scunda la fà riferimént al pum cutògn (Malum Cotoneum), früt tipich d'la zona. Fin a l'età de mes, quasi tüt el bass ludesàn l'era cuèrt da busch. La pianta da früta che la gh'era püssè l'era el pum.

Storia

La prima testimuniansa de l'esistensa dal burgh l’è dal 997: el center abitàd de Cudògn l’è citàd ind un diploma de l'Imperadù Uton III. Ind el curs dal XI secul, el cumün el feva part dal feud dal vescuv de Lod, menter ind el 1441 l’è passàd suta el dumini d'la famija Fagnani e dal 1450 ai Trivulzio. Inans...