Tonga

Quel articul chì l'è scrivüü in Lumbard, cun l'urtugrafia insübrica ünificada.

El regn de Tonga a l'è un paes de l'Uceania.
A l'è furmaa de pressapoch 170 isul (dumà 40 abitaa), spantegaa in trì rosc de isul in de l' Pacìfich, 650 km a est di isul Figi.

La capital a l'è Nuku'alofa.
La gh'ha una süperfiss de 748 km² e una pupulaziun de pressapoch 102.000 abitant.

Storia muderna

Tònga a l'è staa un pruteturaa del Regn Ünii del 1900 al 1970, quand che l'ha utegnü l'indipendenza.

Lenguv ufiziaj

I lenguv ufiziaj de Tonga a hinn el tongan e l'ingles.

Sport

El sport naziunal a l'è el rugby.
La squadra naziunala l'ha partecipaa a quater Campiunaa del Mund e a l'è intra i 13 püssee fort al mund.

Urganizaziun pulitiga

Tonga (nom ufizial: Pule'anga 'o Tonga / Kingdom of Tonga) a l'è un regn.
Ël re a l'è Tupou VI (del 2012).
Ël prim minister a l'è el Pohiva Tuʻiʻonetoa (del 2019).