.kkrieger
|
Quest articol chì l'è scrivud in lombard, con la Noeuva Ortografia Lombarda |
.kkrieger (de Krieger, in todesch guerrer) a l'è un sbaratut in prima persona dad foeura in del 2004 del grup todesch Farbrausch, che 'l partegn a la demoscene.
La particolarità del sgioeugh, dad foeura a gratis, a l'è la soa dimension: l'è grand 97,280 byte, grazzia ai algoritm procedurai doperad che ghe permeten al computer de generà grafega e son in temp real, a partì de poch desine de byte, el tut però al cost de temp de caregament pusse longh e requisit hardware pussee volt, almen per el so period: senza 'sti algoritm chi, per i so produtor, el .kkrieger l'havaria ocupad circa 200-300 MB de spazzi in sul disch dur.
Storia Modifega
Farbrausch l'ha desvilupad .kkrieger de la mità del 2002, a doperà el tool de desvilup .werkkzeug (de Werkzeug, in todesch strument), in d'una version 3 che l'è stada minga dada foeura al publegh fina al 2014, quand che l'è publegada con licenza BSD.
In l'avil 2004 el sgioeugh el vinc la competizzion di prodot con men de 96k a Breakpoint, convention de la demoscene todesca. A l'è stad pu desvilupad, inscì l'è deventada una beta perpetua.
El sgioeugh l'ha vensgiud du premi in del Deutscher Entwicklerpreis del 2006, per l'Innovazzion e l'Avanzament.
Modalità de sgioeugh Modifega
El sgioeugh el gh'ha domà un nivell e l'è un sbaratut classegh: el protagonista el po scernì vari tipi de arma e regoeujer in del camp de sgioeugh monizzion, pachet per curàss e acessori. I nemis, che inn di alien, inn armad domà in d'un quaj cas e inn considerad ladin de bater, perchè se moeuven pian.
Riferiment Modifega
Alter proget Modifega
Wikimedia Commons el gh'ha dent imagin o alter archivi su .kkrieger
