Abecee lombard

Quest articol chì l'è scrivuu in lombard, grafia milanesa.

Per abecee lombard s'intend l'abecee drovaa per scriv la lengua lombarda.

La lengua lombarda la gh'ha no on'ortografia recognossuda e condividuda da tucc, donca gh'hinn pussee abecee lombard, tucc fondaa in su el abecee latin.

A bon cont, poeudom fà la distinzion in tra trì sistema: Vun classegh, vun "modern" o "unificaa" e quell doperaa da Scriver Lombard, on model polinomegh.

Ortografia classega

L'ortografia milanesa la vegn drovada per scriv i dialett occidentai, anca se i ortografii classegh dei dialett orientai hinn arent al model milanes.

Lettera	Minuscol	IPA
A	a
B	b
C	c
D	d
E	e
F	f
G	g
H	h
I	i
J	j
L	l
M	m
N	n
Oeu	oeu
P	p
Q	q
R	r
S	s
S'c	s'c
S'g	s'g
Sg	sg
T	t
U	u
V	v
Z	z

Ortografia unifigada

I ortografii unificaa ('me quela insubrega e orientala) droven l'abecee de la lengua italiana, e gionten i letter necessari al lombard, 'me ö e ü. Se l'ortografia insubrica unificada in sostanza l'è istess de l'italian, l'ortografia oriental unificada la gh'ha di differenz minga de pòcch, comé la "z" drovada per la /z/ e minga per la /ts/.

Ortografia SL

L'ortografia Scriver Lombard l'è polinomega, e la drova tutt l'abeccee ladin ma minga i letter k e y. I olter letter hinn drovà comé in la milanesa (con "œ" in loeugh de "oeu"), con l'eccezion di "j", "x", "ç" che hinn i letter polinomegh.