Academia Bonvesin de la Riva

Quest articol chì l'è scrivud in lombard, con la Noeuva Ortografia Lombarda

L'Academia Bonvesin de la Riva a l'è 'n grup che 'l se dedica al studi, al ransgià e a la tutella de la lengua lombarda trad insema in del 2020.

L'imagen che l'ha inspirad el logo de l'Academia

Storia

El grup che 'l deventarà l'Academia el nass el 2 de otover del 2020, fondad del Peder Cociancich, del Jacopo Dovico, del Brian Sciretti, del Luca Berrino e del Lissander Cavall, e 'l scerniss el so nom el 6 del mes.

El 1 de november la nonzia, dopo di esperiment, la soa proposta ortografega, o ben la Noeuva Ortografia Lombarda, fondada in su 'n lavorà scominciad agn prima del Cociancich.

In tra el november e l'avril 2021 la toeu part a l'organizazzion del concors de poesia 200Porta, dedicad ai 200 agn de la mort del Carlo Porta.

El 23 de november 2021 l'è dervida la pagina Facebook de l'Academia e 'l 26 de setember del 2022 l'è nonziad el sit web.

Atività

Didatega

L'Academia l'ha dad foeura vari ducument per l'insegnament, compagn de 'n abecee illustrad, di numer in lengua, de 'n elench de verb frasai

Software

Di member de l'Academia hann lavorad 'dree a la traduzzion in lombard del Minecraft e inn 'dree a voltà el WordPress in manera ofizziala e 'l Telegram in manera minga ofizzial. Hann otegnud el meter del lombard dedent al LaunchPad.

Usadei

L'Academia l'è dree a desvilupà un dizzionari lombard in su la Red, che l'è sgiamò acessibel in version beta in sul so sit.

Riferiment

• La nosta storia

Ligam de foeura

• Sit ofizzial Arqiviad qé: [1]

Bibliografia

• Birra, A. (2022). Il dialetto ticinese nella comunicazione mediata dal computer. Analisi di un corpus (Tesi de dotorad, University of Geneva)