Accoppiator acustich
L'accoppiator acustich a l'è on dispositiv de interfaccia che 'l permètt de ciappà on segnal elettrich de on segnal acustich, tipicament on telefon in full-duplex. El conligament se 'l gh'ha cont ona intermediazion di segnai elettrich cont vun acustich inveci de fàll direttament.
Storia Modifega
In di Stat cont el monopoli de la telefonia a l'éra tipicament devedaa conligà vergòtt a la Red e i fil di telefon sortiven direttament del mur, cont di stregg limitazion ai ròbb che l'utent podeva conligà.
L'accoppiator acustich l'è staa inventaa per superà legalment questa limitazion. El primm a l'è staa faa in del 1963 del Robert Weitbrecht, anca se gh'eren giamò di precedent per el fax.
Di àlter s'hinn poeu mettuu a lavorà per adatàll al standard ASCII a 8 bit, e 'l sistema el garantiva ona velocità massima de 300 baud, tipicament redutt a 150, boni per i terminai de l'epoca che andaven in tra i 110 e i 134.5 baud.
In del 1973 la Vadic la crea in accoppiator acustich che 'l va a 1200 baud, seguii in del 1977 de vun arènt de la AT&T, e 'sta velocità la rend appetibij i BBS per i utent comun.